Яңалыклар (29.12.23)

Иртәнге чыгарылыш.

2023 елда торак төзелеше йомгаклары буенча Татарстан зур уңышларга иреште. Республикада 3,3 миллион квадрат метр торак төзелде. Бу хакта Россия вице-премьеры Марат Хөснуллин төбәкләр үсеше буенча хөкүмәт комиссиясе утырышында белдерде.

Буа районы башлыгы Ранис Камәртдинов Бөек Ватан сугышы ветераннары: 103 яшьлек Рәүф Төхвәтуллин белән 98 яшьлек Михаил Панцыровны, Яңа ел белән котлап. азык-төлек җыелмалары, истәлекле бүләкләр тапшырды.

Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе тарафыннан уздырылган татар телендәге әдәби әсәрләр конкурсының 9 номинациясе буенча җиңүчеләр исемлеге әзер.

Көндезге чыгарылыш.

Россия Президенты Владимир Путин “Ростех” компаниясе генераль директоры Серегей Чемезов белән очрашуда автомобиль төзелеше өлкәсендә “КамАЗ” акционерлык җәмгыятенең казанышларын, аерым алганда, пилотсыз магистраль тягачларын эшләүдәге уңышларын билгеләп үтте.

Татарстан Премьер-министры Алексей Песошин Казанда яшәүче 6 яшьлек Кәрим Низаметдиновның хыялын чынга ашырды. Нәни Кәримгә Казаннан  поездда аэропортка кадәр сәфәр оештырдылар. Малай машинист белән бергә, кисәтә торган тавыш сигналлары биреп, поезд белән идарә итте.

Республиканың Азнакай, Әлмәт, Зәй, Түбән Кама районнарында “Яшел Үзән” дип аталган тарихи-мәдәни мирасны үз эченә алган яңа аерым икьтисади зонасын төзүгә керешәчәкләр.

Кичке чыгарылышлар.

2024 елда Казанда “Киләчәк уеннары” тәмамлангач, халыкара мульти спорт уеннары эстафетасын дәвам итәргә 8 ил теләк белдергән.  Бу хакта Россия вице-премьеры Дмитрий Чернышенко белдерде.

Россия Президенты Владимир Путин “Ростех” компаниясе генераль директоры Серегей Чемезов белән очрашуда автомобиль төзелеше өлкәсендә “КамАЗ” акционерлык җәмгыятенең казанышларын, аерым алганда, пилотсыз магистраль тягачларын эшләүдәге уңышларын билгеләп үтте.

Татарстан Премьер-министры Алексей Песошин Казанда яшәүче 6 яшьлек Кәрим Низаметдиновның хыялын чынга ашырды. Нәни Кәримгә Казаннан  поездда аэропортка кадәр сәфәр оештырдылар. Малай машинист белән бергә, кисәтә торган тавыш сигналлары биреп, поезд белән идарә итте.

Нашли опечатку? Выделите фрагмент и отправьте нажатием Ctrl+Enter