Яңалыклар (28.12.23)

Иртәнге чыгарылыш.

Илнең төрле төбәкләрендә дә укытучы хезмәтенә бердәм кагыйдәләр нигезендә түләнергә тиеш, ә хөкүмәт педагогларга хезмәт хакы түләүгә карата системалы алымнар әзерләргә тиеш. Бу хакта Россия Президенты Владимир Путин Россия Дәүләт Советы утырышында белдерде, дип хәбәр итә Кремльнең матбугат хезмәте.

Татарстан Рәисе Рөстәм Миңнеханов 2023 елда фән һәм техника өлкәсендә дәүләт премияләрен бирү турындагы карарны имзалады. Документ Татарстан җитәкчесенең рәсми порталында теркәлгән.

Татарстан Премьер-министры Алексей Песошин «Юбилейная» кошчылык фабрикасының автоматлаштырылган газ бүлү станциясен ачу тантанасында катнашты.

Россия Федерациясе хөкүмәте карары белән Татарстандагы кайбер индустрия-сәнәгать паркларында инфраструктура төзүгә чыгымнар билгеләнде.

Көндезге чыгарылыш.

-Татарстан Рәисе Рөстәм Миңнеханов Мәскәүдә «Педагог һәм остаз ролен һәм абруен күтәрү» мәсьәләсе буенча Россия Федерациясе Дәүләт Советы утырышында катнашты.

-Буа районы башлыгы Ранис Камәртдинов Бөек Ватан сугышы ветераннары: 103 яшьлек Рәүф Төхвәтуллин белән 98 яшьлек Михаил Панцыровны, Яңа ел белән котлап. азык-төлек җыелмалары, истәлекле бүләкләр тапшырды

— Бүген иртән Идел елгасы аша Яшел Үзән – Түбән вязовые боз өсте юлы янәдән ачылды. Ул тәүлек буена ялларсыз эшләячәк.

Кичке чыгарылышлар.

Россиядә ел саен тапшырыла торган «Ел остазы» премиясе булдырылачак. Бу хакта утырышта Россия Президенты Владимир Путин  хәбәр итте.

«Татдортрансинвест» акционерлык җәмгыяте Йошкар Оладан Яшел Үзәнгә кадәр,  А-295 автомобиль юлыннан М-7 трассасына кадәр юлны төзүгә 913 миллион сумнан артык субсидия алачак. Бу турыдагы карарны Татарстан Премьер-министры Алексей Песошин  имзалады.

Бүген иртән Идел елгасы аша Яшел Үзән – Түбән вязовые боз өсте юлы янәдән ачылды. Ул тәүлек буена ялларсыз эшләячәк.

2023 елда торак төзелеше йомгаклары буенча Татарстан зур уңышларга иреште. Республикада 3,3 миллион квадрат метр торак төзелде. Бу хакта Россия вице-премьеры Марат Хөснуллин төбәкләр үсеше буенча хөкүмәт комиссиясе утырышында белдерде.

Казанда «Аэрокүпер» шәһәр канат юлы территориясен планлаштыру һәм чикләрен билгеләү проекты расланды.

Чаллыдан  махсус хәрби операция зонасына һәм Лисичанский шәһәренә озатылган гуманитар йөк 700 тоннадан артып китте. Хәрби операциягә мобилизацияләнгән хәрбиләрнең гаиләләре һәм балалары турында да даими кайгырталар.

Нашли опечатку? Выделите фрагмент и отправьте нажатием Ctrl+Enter