Яңалыклар (22.12.23)

Иртәнге чыгарылыш.

Россия Президенты Владимир Путин видео элемтә режимында Мәскәү – Казан арасындагы “Восток” автомобиль юлын ачты.

Татарстан Рәисе Рөстәм Миңнеханов ил Президенты видео элемтә режимында Владимир Путинга хисап тотканчы, “Аурус” автомобилендә юлның Татарстандагы участогын шәхсән карап узды, юлның, ягулык салу станцияләренең, башка сервис хезмәтләренең сыйфатын югары бәяләде.

Татарстан Хөкүмәте Йортында республиканың Гадәттән тыш хәлләрне кисәтү, янгын куркынычсызлыгын тәэмин итү комиссиясе утырышы узды.

Көндезге чыгарылыш.

Россия Президенты Владимир Путин  «Татнефть»  акционерлык җәмгыяте генераль директоры Наил Магановны IV дәрәҗә «Ватан алдындагы казанышлары өчен» ордены белән бүләкләү турындагы указны имзалады.

Татарстан Рәисе Рөстәм Миңнеханов Россия Федерациясе Президенты каршындагы стратегик үсеш һәм илкүләм проектларны гамәлгә ашыру буенча совет утырышында катнашты.

Республика Рәисе Рөстәм Миңнеханов Казанның 1 май мәйданында “Кремльдән Кремльгә” автоузышында катнашучылар белән очрашты. Әлеге автомобиль колннасы Мәскәүдән Казанга кадәр тиз йөрешле  М-12  “Восток” трассасында юл хәрәкәтен ачып җибәрде.

Кичке чыгарылышлар.

Татарстан Рәисе Рөстәм Миңнеханов бүген Түбән Камада яңа боз сараен ачуда катнашты. Спорт комплексында өсте ябулы ясалма боз шугалагы, тренажер залы, киенү-чишенү бүлмәләре, медицина күзәтүе, процедуралар, тренерлар кабинетлары, хөкемдарлар бүлмәләре бар.

Татарстан илкүләм проектларны гамәлгә ашыру рейтингында  Россиядә икенче урынны алды. Рейтингны Россия хөкүмәтенең проект эшчәнлеге департаменты билгеләгән.

Иртәгә, 23 декабрьдә Казанда быелгы соңгы ярминкәләр узачак. Шәһәр халкына азык-төлекне түбәнрәак бәядән сатып алу мөмкинлеге

Татарстан Рәисе Рөстәм Миңнеханов бүген Түбән Камада яңа боз сараен ачуда катнашты. Спорт комплексында өсте ябулы ясалма боз шугалагы, тренажер залы, киенү-чишенү бүлмәләре, медицина күзәтүе, процедуралар, тренерлар кабинетлары, хөкемдарлар бүлмәләре бар.

Бүген Казандагы “Адымнар” күп телле мәгариф комплексына “Яңарыш” республика фондының укыту-җитештерү станокларын тапшыру тантанасы булды. Татарстан Дәүләт Киңәшчесе, “Яңарыш” фондының попечительләр советы Рәисе Минтимер Шәймиев “Адымнар” мәктәпләре директорларына сертификатлар тапшырды.

Иртәгә, 23 декабрьдә Казанда быелгы соңгы ярминкәләр узачак. Шәһәр халкына азык-төлекне түбәнрәак бәядән сатып алу мөмкинлеге бар.

Нашли опечатку? Выделите фрагмент и отправьте нажатием Ctrl+Enter