Яңалыклар (20.12.23)

Иртәнге чыгарылыш.

Татарстан Рәисе Рөстәм Миңнеханов Казанда республика муниципаль берләшмәләр Советы Ассоциациясенең 18 съездында катнашты. Рөстәм Миңнеханов  муниципаль берләшмәләрнең зур уңышларга ирешкән хезмәткәрләренә Россиянең һәм Татарстанның дәүләт бүләкләрен тапшырды.

Татарстан Рәисе Рөстәм Миңнеханов 2023 елгы Татарстан бюджетына үзгәрешләр кертү турындагы законны имзалады. Республика казнасы дефициты 40 миллиард сумнан артык тәшкил итә.

Казанда спорт мәктәпләре тренер-укытучылары арасында республика конкурсына йомгак ясалды.  Бүләкләү тантанасы «Ак Барс Арена» стадионында узды.

Көндезге чыгарылыш.

Татарстан Рәисе Рөстәм Миңнеханов Инвесторлар клубының традицион утырышында катнашты. Чара Казандагы «Мираж» кунакханәсе мәйданчыгында узды.

Татарстан Рәисе Рөстәм Миңнеханов Казан федераль университетында республиканың югары уку йортлары ректорлары һәм фәнни учреждениеләр җитәкчеләре белән очрашты. Очрашуда 2023 елдагы уртак эшкә йомгак ясадылар, киләсе елга планнар билгеләделәр.

Татарстан Республикасы Рәисе хакимияте җитәкчесе Әсхәт Сәфәров «Теләкләр чыршысы» Бөтенроссия Яңа ел акциясендә катнашты. Ул балаларның Яңа ел чыршысына эленгән открыткалардагы теләкләрен чынга ашырачак.

Кичке чыгарылышлар.

Республикада 25 декабрьдән 8 гыйнварга кадәр янгыннарга каршы аерым режим кертелә. Пиротехниканы билгеләнмәгән урыннарда кулланучыларга штраф каралган.

Казаннан шефлыкка алынган Лисичанск һәм Рубежное шәһәрләренә 95 тонн быелгы соңгы гуманитар ярдәм озатылды.

Республиканың Яңа ел чыршысы бәйрәме 25 декабрьдә «Татнефть Арена»да узачак, анда 17 меңгә якын бала катнашыр дип көтелә. Татарстан яшьләр эшләре министры Ринат Садыйков республика Министрлар Кабинетында үткән брифингта шулай дип белдерде.

-Татарстан Рәисе Рөстәм Миңнеханов Казан шәһәре районнарын чикләренә үзгәрешләр керту турындагы законны имзалады.

-Республикада 25 декабрьдән 8 гыйнварга кадәр янгыннарга каршы аерым режим кертелә. Пиротехниканы билгеләнмәгән урыннарда кулланучыларга штраф каралган.

— Казаннан шефлыкка алынган Лисичанск һәм Рубежное шәһәрләренә 95 тонн быелгы соңгы гуманитар ярдәм озатылды.

Нашли опечатку? Выделите фрагмент и отправьте нажатием Ctrl+Enter