Әдәбиятыбыз сәхифәләре (10.12.23)

Вакыйф Нуриев. “Мәһдиев һәм…”. Радиоспектакль. Премьера.

“Татарстан” дәүләт телерадиокомпаниясе язучы Вакыйф Нуриевның “Мәһдиев һәм…” исемле әсәренә нигезләнгән радиотамаша тәкъдим итә.

Хәзер сез тыңлаячак радиоспектакль шактый ук үзенчәлекле. Чөнки аның пресонажлары бырыбызга да таныш, реаль кешеләр. Һәм алар әсәргә үз исемнәре белән кергән. Тамашаның баш каһарманы – Халкыбызның сөекле улы, Татарстанның халык язучысы, Габдулла Тукай исемендәге дәүләт премиясе лауреаты, галим һәм педагог Мөхәммәт Мәһдиев. Биредә булачак язучының Бөек Ватан сугышы елларында Арча Педагогия училищесында укып йөргән вакыты чагылыш таба. Ул безнең күз алдлына саф-ихлас күңелле, кешеләргә карата ярдәмчел, белемгә омтылучан, оптимист рухлы чын егет булып килеп баса. Менә нинди сыйфатлары аны олпат әдип итеп формалаштырган икән, дип уйлап куясың.

Төп рольләрне Артем Пискунов, Резеда Саләхова, Гөлчәчәк Хафизова, Ирек Хафизов башкара. Эпизодларда: Мөршидә Җиһаншина, Фәнис Мөхәммәтов, Раил Садри, Гөлназ Ибраһимова, Ания Гыйбадуллина, Наилә Абдуллина, Алия Галиуллина, Рәзин Нуруллин, Газизҗан Вахитов, Булат Шакиров.

Сценарий авторы – Нәсим Акмал, Режиссеры – Рамил Һидиятулла

Спектакль 18 яшьтән өлкәнрәк тыңлаучылар өчен.

Программа Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренед туган телләрен саклау, үстерү мәсьәләлре комиссиясе ярдәме белән әзерләнде.

Нашли опечатку? Выделите фрагмент и отправьте нажатием Ctrl+Enter