Фидакарьләр (08.12.23)
Гомерләрен татар теле һәм әдәбиятын, башка фәннәрне татар телендә укытуга багышлаган, укучылары күңелендә туган телгә мәхәббәт тәрбияләүче мөхтәрәм укытучылар һәм бакча тәрбиячеләре турында сөйләвебезне дәвам иттерәбез. Студиябезнең чираттагы кунагы — Захарова Альбина Алексей кызы. 1982 нче елның 17 нче ноябрендә Балык – бистәсе районы Казак – Чаллысы авылында дөньяга килә. 11 нче сыйныфны тәмамлап, Казан Федераль Универститетының филология факультетында белем ала. Хезмәт юлын туган авылындагы Казак – Чаллысы урта мәктәбендә башлангыч сыйныф укытучысы буларак башлап җибәрә. 2003 нче елдан Яшел Үзән районы Осиново бистәсе Виктор Васильевич Карпов исемендәге лицейда татар теле һәм әдәбияты укытучысы булып эшли башлый. Һәм 19 ел әлеге мәктәптә хезмәт куя. Укучылары гына түгел, үзе дә төрле дәрәҗәдәге профессиональ бәйгеләрдә, конференцияләрдә актив катнашырга тырыша. Төрле елларда Туган тел укытучыларының “Мастер класс” бәйгесендә “Педагогик осталык”, “Уңай психологик халәт тудыру остасы”, Республикакүләм бәйгедә “Өметле киләчәк” номинацияләрендә җиңүче, ”Ел укытучысы” конкурсының “Иң яхшы татар теле һәм әдәбияты укытучысы” номинациясендә Яшел Үзән районы буенча абсолют җиңүче дәрәҗәсенә лаек була. 2016 нчы елда белем бирү өлкәсендәге казанышлары өчен Татарстан Республикасы Мәгариф һәм фән министрлыгының күкрәк билгесе белән бүләкләнә. 2022 нче елдан Биектау районына күченәләр һәм яңа ачылган Бертуган Максудилар исемендәге 5 нче Биектау гомуми урта белем бирү мәктәбендә милли мәсьәләләр буенча директор урынбасары булып эшли башлый.
Мәктәпләрендә “Максуди FM” радиосын эшләтеп җибәргәннәр. “Салават күпере” һәм “Сабантуй” журналлары белән тыгыз эшлиләр. Республикакүләм “KAZAN Quiz” һәм “KAZAN Quest” бәйгеләрендә катнашып җиңү яулыйлар. “Туган телебезне үстерү, укучыларны татар теле дәресләренә, түгәрәкләренә тарту өчен бөтен көчебезне куеп хезмәт итәбез”, — ди Альбина Алексей кызы Захарова.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
&mh_tags=&mh_page=https://old.trt-tv.ru/?p=561500){kind=small}
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
