Яңалыклар (08.12.23)

Иртәнге чыгарылыш.

Федераль Җыенның Федерация Советы 2024 елның 17 мартын Россия Президентын сайлаулары көне итеп билгеләү турында карар кабул итте.
Татарстан Рәисе Рөстәм Миңнеханов Идел буе физкультура, спорт һәм туризм дәүләт университетында Федераль казначылыгының контроль комиссиясе утырышында катнашты. Анда “Илдә физик культура һәм спорт” дәүләт программасы чараларын үтәүдә федераль бюджет чыгымнарын тикшерүгә контроль мәсьәләсе каралды.
Татарстан Рәисе Рөстәм Миңнеханов хөкүмәт йортында Ислам хезмәттәшлеге оешмасы яшьләр форумы президенты Таха Айхан белән очрашты. Яшьләр сәясәте өлкәсендә элемтәләрне ныгыту, яңа уртак проектлар турында фикер алыштылар.

Көндезге чыгарылыш.

Татарстан Дәүләт Киңәшчесе, «Яңарыш» республика фондының Попечительләр советы рәисе Минтимер Шәймиев Россия Федерациясенең Спорт министры Олег Матыцин белән очрашты.

Татарстан хөкүмәте йортында республиканың гадәттән тыш хәлләрне кисәтү, янгын куркынычсызлыгын тәэмин итү комиссиясе утырышы узды.

8 һәм 9 декабрьдә Муса Җәлил исемендәге Татар дәүләт академия опера һәм балет театрында VIII «Үзгәреш җиле» татар җыры фестиваленең гала-концертлары була. Проект Татарстан  Рәисе Рөстәм Миңнеханов ярдәме белән гамәлгә ашырылды.

Кичке чыгарылышлар.

Казан Ратушасында Евразия икьтисад берлегенә керүче дәүләтләр таможня хезмәтләренең 44 нче берләштерелгән коллегия утырышы узды. Утырыш алдыннан төрле илләр таможня хезмәтләре делегацияләре җитәкчеләре белән Татарстан Рәисе Рөстәм Миңнеханов очрашты.

Чаллыда 170 фатирлы йортны арендага бирү тантанасы булды. Ул Республика Рәисе каршындагы Дәүләт торак фонды инвестицияләренә салынган. 128 фатирда “КамАЗ”да эшләүчеләр яшәячәк.

8 һәм 9 декабрьдә Муса Җәлил исемендәге Татар дәүләт академия опера һәм балет театрында VIII «Үзгәреш җиле» татар җыры фестиваленең гала-концертлары була. Проект Татарстан  Рәисе Рөстәм Миңнеханов ярдәме белән гамәлгә ашырылды.

Татарстан Рәисе Рөстәм Миңнеханов Россия Федерациясе Президенты Владимир Путинның яңа срокка Президент сайлауларында катнашу турындагы карарын хуплады. Ул ил өчен хәзерге катлаулы вакытта Президентның Россияне һәм аның халыкларын берләштерүче көч дип бәяләде.

Чаллыда 170 фатирлы йортны арендага бирү тантанасы узды. Ул Республика Рәисе каршындагы Дәүләт торак фонды инвестицияләренә салынган. 128 фатирда “КамАЗ”да эшләүчеләр яшәячәк.

Тарифлар буенча республика дәүләт комитеты идарәсе утырышында 2024 елга җәмәгать транспортында йөрү бәяләрен расладылар.

Нашли опечатку? Выделите фрагмент и отправьте нажатием Ctrl+Enter