Пар канатлар (05.12.23)

Узган җомгада, 1 нче декабрьдә, Россиянең атказанган артисты Исламия Мәхмүтованың тууына 80 ел тулды. “Пар канатлар” тапшыруының чираттагы чыгарылышын күренекле актрисаның якты истәлегенә багышлыйбыз.
Исламия Идиятулла кызы Мәхмүтова 1943 нче елның 1 нче декабрендә республикабызның Әлки районы, Югары Әлки авылында туган, ярты гасыр К.Тинчурин исемендәге драма һәм комедия театрында төрле характердагы дистәләрчә образны тудыра, Татарстанның халык, Россиянең атказанган артисты, республикабызның “Тантана” премиясе лауреаты, тамашачы күңелендә күренекле актриса, оста җырчы, берничә пьеса авторы буларак саклана, 2019 елның 3 нче декабрендә бакыйлыкка күчте.
Татарстан радиосының алтын фондында Исламия апаның 70 яшьлек юбилее көннәрендә туры эфирда үткәрелгән тапшыруның язмасы саклана. Тыңлаучылар игътибарына ул өлешчә кыскартып тәкъдим ителә.

Нашли опечатку? Выделите фрагмент и отправьте нажатием Ctrl+Enter