Яңалыклар (04.12.23)

Иртәнге чыгарылыш.

Узган ял көннәренең иң әһәмиятле вакыйгасы дип Мәскәүдәге «Россия» халыкара күргәзмә-форумы кысаларында үткәрелгән Татарстан Республикасы көнен атарга була. Күләмле чара шимбә, 2нче декабрьдә, үтте.

Әйтергә кирәк, «Россия» күргәзмә-форумы агымдагы елның 4 ноябрендә ачылды һәм киләсе  елның 12 апреленә кадәр дәвам итәчәк. Биредә Россиянең 89 төбәгенең, зур компанияләрнең, министрлыкларның һәм оешмаларның казанышлары күрсәтелә.

Бу атнада Казанда «Казаныш» халыкара архитектура-төзелеш форумы узачак.
Татарстан Республикасында 2024 елга республика министрлыклары максатларын сайлау буенча онлайн-тавыш бирү дәвам итә.
Татарстан Авыл хуҗалыгы һәм азык-төлек министрлыгы өч яшьтән зуррак булган бияләр тотуга чыгымнар өлешен каплау өчен субсидия бирә.
Казанның Дәрвишләр бистәсендә киләсе елда яңа яшүсмерләр клубы ачыла.

Кичке чыгарылыш.

Быел Татарстан һәм Россиянең тагын алты төбәге тыгызландырылган табигый газ заправкалары инфраструктурасын үстерү өчен өстәмә финанслар алачак.
Иннополис Университеты Кытайда офис ачты.
4 декабрьдә Бөтенроссия язылу декадасы башланды.
Татарстанда 5-13 декабрьдә аномаль салкын һава торышы урнашыр дип көтелә, шул сәбәпле кисәтү игълан ителде.

Нашли опечатку? Выделите фрагмент и отправьте нажатием Ctrl+Enter