Яңалыклар (01.12.23)

Иртәнге чыгарылыш.

Татарстан Рәисе Рөстәм Миңнеханов Үзбәкстанның Сурхандарья өлкәсе Хакиме Олугбәк Касыймов белән очрашты.
Казанда «Таттелеком» хисаплау үзәгенең яңа бинасына нигез салу тантанасы булды.
3 декабрьдә ел саен Халыкара инвалидлар көне билгеләп үтелә, ә бүген Инвалидлар декадасы башлана.
Иртәгә Мәскәүдәге «Россия» күргәзмә-форумында Татарстан көне уза.

Көндезге чыгарылыш.

“КАМАЗ-мастер” командасының җиңүләре нәтиҗәсендә «КАМАЗ»ның автомобиль техникасы үзенең ышанычлылыгы белән дан тота һәм бөтен дөньяга танылды. Бу хакта Татарстан Рәисе Рөстәм Миңнеханов Чаллыда «КАМАЗ-мастер» командасының 35 еллыгы уңаеннан уздырылган тантаналы чарада белдерде.

Татарстан Рәисе Рөстәм Миңнеханов Чаллы политехника көллиятендә  булды.

2 декабрьдә «Россия» күргәзмә-форумында Татарстан көне узачак. Республика сәнәгать, авыл хуҗалыгы, медицина, мәдәният һәм туризм өлкәсендәге казанышларын тәкъдир итәчәк. Татарстан стендында төп игьтибар киләсе елда Казанда булачак “Киләчәк уеннары”на юнәлдерелгән.

Кичке чыгарылышлар.

Татарстан Рәисе Рөстәм Миңнеханов үзенең телеграмм каналына  махсус хәрби операция зонасындагы республика хәрбиләрен бүләкләү видеоязмасын куйды.

Татарстан Рәисе Рөстәм Миңнеханов Указы белән берничә кеше “Фидакарь хезмәт өчен” медале белән бүләкләнде.

«Иң күп укый торган төбәк» Бөтенроссия конкурсында Татарстан беренче урынны алды.     Россия китап берлеге Президенты Сергей Степашин “Татмедиа” матбугат һәм массакүләм коммуникацияләр агентлыгы җитәкчесе Айдар Сәлимгәрәевка конкурсның төп призы – бронза корабль-китап сынын тапшырды.

Татарстан Рәисе Рөстәм Миңнеханов үзенең телеграмм каналына  махсус хәрби операция зонасындагы республика хәрбиләрен бүләкләү видеоязмасын куйды.

Татарстан Дәүләт Советында ватандашлар эшләре буенча республика Рәисе каршындагы Координация Советы утырышы узды. Аны Дәүләт Советы Рәисе, Координация Советы җитәкчесе Фәрит Мөхәммәтшин үткәрде.

Татарстан Премьер-министры Алексей Песошин Казан Федераль университетында фундаменталь һәм гамәли математика өлкәсендәге казанышлар өчен премияләр тапшыру тантанасында катнашты.

Нашли опечатку? Выделите фрагмент и отправьте нажатием Ctrl+Enter