Яңалыклар (30.11.23)

Иртәнге чыгарылыш.

Татарстан Рәисе Мәскәү өлкәсенә эш сәфәре кысаларында «Гринвуд» бизнес-паркында булды һәм Кытайның эшлекле даирәләре вәкилләре белән очрашты.
Татарстан Дәүләт Советы Рәисе Фәрит Мөхәммәтшин Казанда традицион гаилә кыйммәтләрен саклау һәм ныгыту проектларын гамәлгә ашыручы иҗтимагый оешма вәкилләре белән очрашты.
Татар театрының күренекле актрисасы, Россиянең атказанган һәм ТАССРның халык артисты Наилә Гәрәева вафат булу сәбәпле, ТР җитәкчелеге кайгы уртаклашты.

Көндезге чыгарылыш.

Татарстан Рәисе Рөстәм Миңнеханов Мәскәүдә Covid-19 пандемиясе вакытында һөнәри бурычларын үтәп, һәлак булган табиблар һәм медицина хезмәткәрләре һәйкәленә чәчәкләр салды.

«Мәрхәмәт-Милосердие» депутатлар берләшмәсе әгъзалары Идел буе федераль округы төбәкләренең законнар чыгару органнары хатын-кыз депутатлары утырышында катнашты.

Апас район үзәгендәге яңа урамга Татарстанның халык шагыйре, якташлары Шәүкәт Галиев исеме бирелде, шулай ук истәлек тактасы куелды.

Кичке чыгарылышлар.

Татарстан Рәисе Рөстәм Миңнеханов Үзбәкстанның Сурхандарья өлкәсе Хакиме Олугбәк Касыймов белән очрашты. Ике төбәк арасында хезмәттәшлекне үстерү мәсьәләләре буенча фикер алыштылар.

Татарстан Рәисе Рөстәм Миңнеханов Үзбәкстанның Казандагы Генераль консулы Фәретдин Насриевка нәтиҗәле хезмәттәшлек һәм төбәкнең икьтисади үсешенә зур өлеш керткән өчен “Татарстан Республикасы алдындагы казанышлары өчен” орден медален тапшырды.

Республика Рәисе Рөстәм Миңнеханов «Иннополис» махсус икьтисади зонасы күзәтчеләр советының быелгы йомгаклау утырышын уздырды.

Россия Президенты Владимир Путин 14 декабрьдә берләштерелгән туры линия һәм йомгаклау матбугат конференциясе форматында елга нәтиҗәләр ясаячак.
Казанда «Таттелеком» хисаплау үзәгенең яңа бинасына нигез салу тантанасы булды.
Дәүләт Советында «Мәрхәмәт-Милосердие» хатын-кыз депутатлар берләшмәсе эшенә йомгак ясалды.

Нашли опечатку? Выделите фрагмент и отправьте нажатием Ctrl+Enter