Фидакарьләр (28.11.23)
Гомерләрен татар теле һәм әдәбиятын, башка фәннәрне татар телендә укытуга багышлаган, укучылары күңелендә туган телгә мәхәббәт тәрбияләүче мөхтәрәм укытучылар һәм бакча тәрбиячеләре турында сөйләвебезне дәвам иттерәбез. Студиябезнең чираттагы кунагы — Бикмөхәмәтова Ләйлә Зөлфәт кызы. 1976 нчы елда Биектау районында туа, әмма балачагы, яшьлеге Балык Бистәсе районының Котлы Бөкәш авылында уза. 1993-1998 нче елларда Татар дәүләт гуманитар институтында укый, татар теле һәм әдәбияты факультетында белем ала. Уку белән бергә 1995 нче елда 155 нче татар-инглиз гимназиясендә эшли дә башлый. Институтны бетергәч, туган авылы – Котлы Бөкәш мәктәбендә эшли. Биш елдан тагын Казан шәһәренә килә һәм төрле мәктәпләрдә татар теле һәм әдәбияты укытучысы, Совет районы мәгариф идарәсендә методист булып эшли.
Ләйлә Зөлфәт кызы Бикмөхәммәтова – югары квалификацион категорияле укытучы. Бүген Бала Сити халыкара мәктәбендә татар теле укыта.
Ләйлә Зөлфәт кызы Бикмөхәммәтованың татар телен өйрәтүгә, укучыларда милли үзаң тәрбияләүгә керткән хезмәте югары бәяләнеп килә. Ул күп тапкырлар шәһәр, район мәгариф бүлекләре, Татарстан Республикасы һәм Россия Мәгариф һәм фән министрлыгы тарафыннан мактау грамоталары һәм рәхмәт хатлары белән бүләкләнә. 2018 елда Ләйлә Бикмөхәммәтовага “Мәгарифтәге казанышлары өчен” дигән күкрәк билгесе тапшырыла.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
&mh_tags=&mh_page=https://old.trt-tv.ru/?p=559655){kind=small}
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
