Яңалыклар (28.11.23)

Иртәнге чыгарылыш.

Татарстанның кайбер район хастаханәләре сырхауханәләрендә диагностика җиһазлары яңартылды.
Татарстанда «Алдынгылар хәрәкәте»нең төбәк бүлеге «Алдынгылар советы» рәисен сайлый.
Бүген «Юмарт сишәмбе» бөтендөнья акциясе кысаларында Казан автобус маршрутларының берсе бушлай булачак.

Көндезге чыгарылыш.

Луганск Халык Республикасының шефлыкка алынган шәһәрләренә Татарстаннан 100 тоннадан артык гуманитар йөк китерелгән.

Татарстан Фәннәр академиясе дөньякүләм дәрәҗәдәге фәнни-белем бирү үзәген булдыру бәйгесендә катнашырга җыена.

Әтнә районының Тукай терлекчелек комплексында сыерлар арасында бруцеллез чире ачыкланган. 5 меңнән артык малны юкка чыгару каралган.

Кичке чыгарылышлар.

Казанда “Татарстанның эшлекле хезмәттәшләре” XVI форумы уза. Пленар утырышта Татарстан Рәисе Рөстәм Миңнеханов катнаша.

Татарстанда 274 мең 500дән артык инвалид яши. Бу республикадагы барлык халыкның 7 проценты. 17 мең инвалид бала исәпләнә. Әлеге саннарны Казанда узган брифингта  хезмәт, мәшгульлек һәм социаль яклау министры Эльмира Зарипова китерде.

«Иң күп укый торган төбәк» Бөтенроссия конкурсында Татарстан беренче урынны алды.

Казанда “Татарстанның эшлекле хезмәттәшләре” XVI форумы эшен тәмамлады. Пленар утырышта Татарстан Рәисе Рөстәм Миңнеханов чыгыш ясады.

Татарстан Рәисе Рөстәм Миңнеханов хөкүмәт йортында Үзбәкстанның төбәкләр сәүдә-сәнәгать палаталары җитәкчеләре белән очрашты.

Татарстанның театр сәнгате зур югалту кичерә. Каты авырудан соң, 84нче яшендә Россия Федерациясенең атказанган, Татарстанның халык артисты, Габдулла Тукай исемендәге Дәүләт премиясе лауреаты Наилә Хәким кызы Гәрәеваның йөрәге тибүдән туктады.

Нашли опечатку? Выделите фрагмент и отправьте нажатием Ctrl+Enter