Яңалыклар (22.11.23)

Иртәнге чыгарылыш.

Татарстан Дәүләт Советы Рәисе, “Бердәм Россия” партиясенең республика төбәк бүлеге секретаре Фәрит Мөхәммәтшин гражданнарны кабул итте. Республикада яшәүчеләр аңа төзекләндерү, бистә юлларын ремонтлау, урамнарны яктырту мәсьәләләре буенча мөрәҗәгать итте.
Санкт-Петербургта төбәк һәм дөнья туристик маршрутларына мәдәни, табигый мирас объектларын, ял итү, күңел ачу, мәдәният һәм спортны оештыру эшчәнлеге төбәкләрен җәлеп итүгә багышланган халыкара конференция булды. Татарстанның Санкт-Петербургтагы һәм Ленинград өлкәсендәге даими вәкиле Ринат Вәлиуллин «Милли туристлык маршрутларында Татарстанның милли аш-сулары мөмкинлекләре»н тәкъдим итте.
Иң яхшы балалар әдәби әсәрләренә Роберт Миңнуллин исемендәге конкурс йомгаклары бүген күренекле шагыйрьнең тууына 75 ел тулуга багышланган кичәдә игълан ителәчәк. Кичә Татар дәүләт филармониясе залында була.

Көндезге чыгарылыш.

Татарстан Рәисе Рөстәм Миңнеханов хөкүмәт йортында Россия Генераль прокуроры урынбасары Николай Шишкин белән очрашты.

Татарстан башкаласы яшәү дәрәҗәсе буенча Россия шәһәрләре арасында беренче унлыкка кертелгән. Әлеге рейтингны Россия хөкүмәте каршындагы Финанс университеты хезмәткәрләре әзерләгән.

Татарстан мөселманнары Диния нәзарәтенең «Зәкят» хәйрия фонды Казанда яшәүче Палестина гражданнары өчен акча җыю хакында игълан итте.

Кичке чыгарылышлар.

Татарстан башкаласы яшәү дәрәҗәсе буенча Россия шәһәрләре арасында беренче унлыкка кертелгән. Әлеге рейтингны Россия хөкүмәте каршындагы Финанс университеты хезмәткәрләре әзерләгән.

Казан Дәүләт мәдәният институты “Үзебезнең эшләр белән Ватанны данлыйбыз!” дигән Хәйрия концертына чакыра.  Концерт  махсус хәрби операциядә катнашучы хәрбиләргә һәм аларның гаиләләренә булышу ниятеннән үткәрелә.

Апаста танылган шагыйрь, 60тан артык китап авторы, якташлары  Шәүкәт Галиевнең 95 еллыгы уңаеннан искә алу кичәсе узды.

Россия Президенты Владимир Путин Указы белән 2024 ел илдә Гаилә елы дип игьлан ителде. Быелның 27 декабренә кадәр Хөкүмәт оештыру комитетын төзергә, гаилә елына багышланган  чаралар планын расларга, аларны финанслау чыганакларын билгеләргә тиеш.

Казан Дәүләт мәдәният институты “Үзебезнең эшләр белән Ватанны данлыйбыз!” дигән Хәйрия концертына чакыра. Концерт  махсус хәрби операциядә катнашучы хәрбиләргә һәм аларның гаиләләренә булышу ниятеннән үткәрелә.

Идел елгасында боз хасил булу сәбәпле, киләсе дүшәмбе, ягьни 27 ноябрьдән башлап, Яшел Үзән-Түбән Вязовые паром кичүе туктатылачак. Аракчино-Югары Ослан паром кичүе дә ноябрь ахырында ябыла, төгәл көнен соңрак хәбәр итәчәкләр.

Нашли опечатку? Выделите фрагмент и отправьте нажатием Ctrl+Enter