Яңалыклар (21.11.23)

Иртәнге чыгарылыш.

Аддитив технологияләр тормышыбызның күп аспектларын яхшырта һәм илнең технологик суверенитетын тәэмин итүгә зур өлеш кертә ала. Бу хакта Татарстан Республикасы Рәисе Рөстәм Миңнеханов «Аддитив технологияләр — яңа чынбарлык» V Лидер — Форумында белдерде.
«Бердәм Россия–Кытай Коммунистлар партиясе» диалогы утырышында заманча шартларда партияара хезмәттәшлекне тирәнәйтү мәсьәләләре буенча фикер алыштылар.
Татарстан эчке эшләр министры киңәшчесе Николай Козарь белән хушлашу мәрасиме 21 ноябрьдә «А.С.Пушкин исемендәге мәдәни үзәк»тә узачак.

Көндезге чыгарылыш.

Казанда Пирамида залында эшче яшьләрнең “Безнең заман” 11 ачык республика фестиваленең гала-концерты булды. Анда катнашучыларны Татарстан Рәисе Рөстәм Миңнеханов сәламләде.

Һава торышындагы кискен үзгәрешләр сәбәпле, Татарстандагы федераль трассаларда автобуслар һәм йөк транспорты хәрәкәте  чикләнгән. «Идел-Нөкрәт автомобиль юллары идарәсе”ндә автомобиль юлларының кайсы участокларында чикләүләр кертелүе турында хәбәр иттеләр.

Уфада Сәнгать академиясендә «Без Мәҗит Гафурины укыйбыз — 2023» Халыкара әдәби-сәнгать конкурсының Гала-концерты узды. Анда Сәйдә Мөхәммәтҗанова татар һәм башкорт әдәбияты классигы Мәҗит Гафури иҗатын популярлаштырган өчен зур бүләккә лаек булды.

Кичке чыгарылышлар.

Казанда Татарстан православие җәмәггатьчелегенең 5 форумы ачылды. Мәскәү һәм Русь изге патриархы Кирилл форумны оештыручыларга, катнашучыларга һәм кунакларга котлау җибәрде.

Татарстан Рәисе Рөстәм Миңнеханов ЯшелҮзәндәге сәнәгать паркында Озон күпләп сату-бүлү үзәгенең икенче чиратын ачуда катнашты.

Иң яхшы балалар әдәби әсәрләренә Роберт Миңнуллин исемендәге конкурс йомгаклары иртәгә  күренекле шагыйрьнең тууына 75 ел тулуга багышланган кичәдә игълан ителәчәк. Театральләштерелгән әдәби-музыкаль кичә Тукай исемендәге Татар дәүләт филармониясе залында була.

Казанда Татарстан православие җәмәгатьчелегенең 5 форумы ачылды. Мәскәү һәм Русь изге патриархы Кирилл форумны оештыручыларга, катнашучыларга һәм кунакларга котлау җибәрде.

Татарстан Рәисе Рөстәм Миңнеханов Телеграм-каналында  Казанда республика православие җәмәгатьчелегенең V форумыннан фотосүрәтләр урнаштырган.

Казан рухани семинариясенең 300 еллыгын бәйрәм итү көнендә Казан епархиясе архив эше буенча хезмәттәшлек турында килешү төзеде. Килешүне  Казан һәм Татарстан митрополиты Кирилл, Татарстан Дәүләт архивы директоры Сергей Горохов имзалады. Хезмәттәшлек архив эшен оештырырга, мөһим документларны саклауга тапшырырга мөмкинлек бирәчәк.

Нашли опечатку? Выделите фрагмент и отправьте нажатием Ctrl+Enter