Яңалыклар (17.11.23)

Иртәнге чыгарылыш.

2024 елның гыйнварыннан күп фатирлы йортларда яшәүчеләрдән капиталь төзекләндерү өчен түләү арттырыла. Республика төзелеш, архитектура һәм торак-коммуналь хуҗалык министрының беренче урынбасары Алексей Фролов “Татаринформ” агентлыгында узган матбугат конференциясендә шул турыда белдерде.

1-7 декабрь көннәрендә Казанда XV яшь режиссерларның Бөтенроссия «Һөнәр» фестивале узачак. 15 нче юбилей фестивалендә 15 театр катнаша, төрле яшь категорияләре өчен 16 спектакль күрсәтеләчәк.

3 декабрьдә Россия ислам институтында һәм Казан ислам университетында ачык ишекләр көне узачак.

Көндезге чыгарылыш.

Татарстанда 2024 елда яшәү минимумы күләме үзгәрәчәк. Җан башына исәпләгәндә, планлаштырылган 12 966 сум урынына ул 13 135 сум тәшкил итәчәк.

Татарстанда быел ике миллион 100 мең тонна сөт җитештерү мөмкинлеге бар. Бу рекордлы күрсәткеч булачак. Ун айда маллардан 1 миллион 840 мең тонна сөт савып алынган.

Зәйдә яшәүче кораллы көчләр ветераны, II ранг капитаны Валентин Атласов туганнары белән махсус хәрби операция зонасындагы якташларына гуманитар ярдәм илтеп кайткан.

Кичке чыгарылышлар.

Татарстан Рәисе Рөстәм Миңнеханов хәрби хезмәткәрләрнең күп балалы гаиләләренә җир кишәрлекләрен ташламалы шартларда бирү турындагы законны имзалады.

Алтынчы чакырылыш Татарстан Дәүләт Советының 49 утырышы 23 ноябрьдә була. Парламент Президиумы утырышында шундый карар чыгарылды.

Участок полициясе хезмәте, эчке эшләр органнары системасының күптәнге мөһим бүлеге буларак, җәмәгать тәртибен саклауда ныгытуга зур өлеш кертә. Бу хакта Татарстан Премьер-министры Алексей Песошин участок полициясе хезмәтенең 100 еллыгына багышланган тантанада белдерде.

Алтынчы чакырылыш Татарстан Дәүләт Советының 49 утырышы 23 ноябрьдә була. Парламент Президиумы утырышында шундый карар чыгарылды.

Участок полициясе хезмәте, эчке эшләр органнары системасының күптәнге мөһим бүлеге буларак, җәмәгать тәртибен саклауда ныгытуга зур өлеш кертә. Бу хакта Татарстан Премьер-министры Алексей Песошин участок полициясе хезмәтенең 100 еллыгына багышланган тантанада белдерде.

20 ноябрьдә, дүшәмбе көнне күренекле җырчы, РСФСРның халык артисты  Ринат Ибраһимовның туган көнендә Мәскәүнең Волков мөселман зиратында һәйкәл ачыла.

Нашли опечатку? Выделите фрагмент и отправьте нажатием Ctrl+Enter