Пар канатлар (14.11.23)

Халкыбыз танылган журналист, популяр җырлар авторы Дамир Гыйсметдиновны соңгы юлга озатты. Республикабызда танылган бу шәхес 1949 нчы елның 25 гыйнварында Чувашстанның Татар Тимәше авылында туган, армиягә киткәнче электромонтер булып эшләгән. 1971 нче елда Казан дәүләт университетының журналистика бүлегенә керә. Аннары 11 ел дәвамында “Чаян” журналында әдәби хезмәткәр, бүлек җитәкчесе булып эшли, 1990 нчы елдан КПССның Татарстан Өлкә Комитеты инструкторы, халыкара мәсьәләләр буенча киңәшче, “Ватан” җәмгыятенең Президиум әгъзасы, соңрак аның җитәкчесе була. 2002 нче елда Татарстан Язучылар берлеге әгъзасы итеп кабул ителә, ә бер елдан Бөтендөнья татар конгрессы башкарма комитеты рәисе урынбасары була. Татарстанның атказанган мәдәният хезмәткәре, Гамил Афзал, Фәтхи Бурнаш исемендәге премияләр лауреаты, 5 китап авторы Дамир Гыйсметдинов җаваплы вазифаларны башкарса да, һәрвакыт иҗат итте, күпсанлы шигырьләре, җырлары яңгырый торды. Тапшыруда мәрхүм белән хушлашу мәрәсименнән репортаж, шагыйрь һәм җәмәгать эшлеклесенең 50 һәм 60 яшьлек юбилеена багышлап яңгыраган тапшырулардан өзекләр бирелә.

Нашли опечатку? Выделите фрагмент и отправьте нажатием Ctrl+Enter