Яңалыклар (09.11.23)

Иртәнге чыгарылыш.

Апас районыннан батальон командиры Булат Бәдретдинов Батырлык ордены белән бүләкләнде.
Татарстанда мәктәп укучыларының республика һәм Бөтенроссия олимпиадаларының муниципаль этабы башлана.
ТР башкаласында яшәүчеләр архитекторлар белән ачык очрашуларда катнаша ала.

Көндезге чыгарылыш.

Быел Россия төбәкләрендә “Куркынычсыз сыйфатлы юллар” илкүләм проекты буенча 120 төбәк һәм җирле юллар төзекләндерелгән. Сыйфатлы юлларның күбесе Татарстанга туры килә. Бу хакта Россия Хөкүмәте рәисе урынбасары Марат Хөснуллин белдерде.

Татарстан мөселманнары Диния нәзарәтенең «Зәкят» хәйрия фонды Газа секторында зыян күрүчеләр ихтыяҗларына 31 млн сум акча җыйган, бу акчаның бер өлешенә 20 тонна азык-төлек сатып алган.

Яшь аш-су осталарының Юныс Әхмәтҗанов исемендәге VI конкурсының Гран-при бүләгенә Югары Ослан районыннан Зилә Азмуханова лаек булды. Җиңүчеләрне Казанда Бәшир Рәмиев исемендәге Ай-ти паркта бүләкләделәр.

Кичке чыгарылышлар.

Россия Президенты Владимир Путин Россия Федерациясе Дәүләт бүләкләре белән бүләкләү турындагы Указны имзалады. Татарстан Республикасы муниципаль берләшмәләр Советы Ассоциациясе Рәисе Әгьзам Гобәйдуллин Почет ордены белән бүләкләнде.

Казан Ратушасы янында 25 яңа төр троллейбусларны башкалага тапшыру тантанасы узды. Чарада Татарстан Рәисе Рөстәм Миңнеханов, Беларусь Республикасының Россия Федерациясендәге Гадәттән тыш һәм Тулы вәкаләтле Илчесе Дмитрий Крутой, Казан мэры Илсур Метшин катнашты.

Татарстан Рәисе Рөстәм Миңнеханов хөкүмәт йортында Беларусь Республикасының Россия Федерациясендәге Гадәттән тыш һәм Тулы вәкаләтле Илчесе Дмитрий Крутой белән очрашты. Әңгәмәдәшләр Татарстан-Белоруссия хезмәттәшлегенең хәзерге  торышы турында фикер алыштылар, уртак эшнең киләчәккә юнәлешләрен билгеләделәр.

Россия Президенты Владимир Путин Россия Федерациясе Дәүләт бүләкләрен бирү турындагы Указны имзалады. Татарстан Республикасы муниципаль берләшмәләр Советы Ассоциациясе Рәисе Әгьзам Гобәйдуллин Почет ордены белән бүләкләнде.

Горбунов исемендәге Казан авиация заводында Ту-214 очкычын җитештерү өчен өстәмә күәтләрне төзүгә керештеләр. Бу уңайдан тантанада республика Рәисе Рөстәм Миңнеханов катнашты.

Татарстан Рәисе Рөстәм Миңнеханов хөкүмәт йортында Беларусь Республикасының Россия Федерациясендәге Гадәттән тыш һәм Тулы вәкаләтле Илчесе Дмитрий Крутой белән очрашты.

Нашли опечатку? Выделите фрагмент и отправьте нажатием Ctrl+Enter