Җиде көн (04.11.23)

Атналык күзәтү.

Бүген, 4 ноябрь көнне, Россиядә Халыклар бердәмлеге көне билгеләп үтелә. Ул тынычлык, иминлек, бәйсезлек өчен бердәмлек символын чагылдыра. Кичә «Казан Экспо»да «Безнең йорт — Татарстан. Россия» этномәдәни фестиваленең гала — концерты булды. Анда Татарстанда быел игълан ителгән Милли мәдәниятләр һәм традицияләр елына йомгак та ясалды. Көзнең соңгы аен без, гадәттәгечә, берсеннән-берсе эчтәлекле һәм кадерле бәйрәмнәр белән каршы алабыз. Дүшәмбедә Республикабыз үзенең иң зур бәйрәмнәренең берсен – Конституция кабул итүен бәйрәм итәчәк.
31 октябрьдән 3 ноябрьгә кадәр Санкт-Петербург шәһәрендә XII Петербург халыкара газ форумы булды. Форум кысаларында уздырылган чараларда Татарстан Республикасы Рәисе Рөстәм Миңнеханов катнашты.
К.Тинчурин исемендәге Татар Дәүләт драма һәм комедия театры быел үзенең 90 еллык юбилеен билгеләп үтә. Ә безнең Татарстан радиосында Тинчурин театры атналыгы уза.

Нашли опечатку? Выделите фрагмент и отправьте нажатием Ctrl+Enter