Яңалыклар (03.11.23)

Иртәнге чыгарылыш.

Алтынчы чакырылыш Татарстан Дәүләт Советының кырык сигезенче утырышында 2024 елга, 2025 һәм 2026 еллар планлы чорына Татарстан Республикасы бюджеты турында закон проекты беренче укылышта кабул ителде.
Татарстан Рәисе Рөстәм Миңнеханов Казан илкүләм тикшеренү-технология университетының яңа фәнни-мәгариф обьектларында булды.
Татарстан Рәисе Рөстәм Миңнеханов күрсәтмәсе буенча Казанда Газада зыян күрүчеләргә гуманитар ярдәм җыю үзәге бүгеннән эшли башлый.

Кичке чыгарылышлар.

Иртәгә, 4 ноябрьдә Илдә Халыклар бердәмлеге көне билгеләп үтелә. Шул уңайдан Татарстан Рәисе Рөстәм Миңнеханов республика халкына мөрәҗәгать итте.

Татарстан Рәисе Рөстәм Миңнеханов хөкүмәт йортында Россия Федераль куркынычсызлык хезмәте чик буе идарәсенең Саратов һәм Самара өлкәләре буенча җитәкчесе Юрий Урванов белән очрашты.

Киләсе ял һәм бәйрәм көннәрендә Казанның муниципаль парковлары түләүсез эшләячәк. Шәһәр башкарма комитеты карары  нигезендә 4,5, 6 ноябрьдә урам-юл челтәре янында урнашкан парковкаларда транспорт өчен түләү алынмый.

Иртәгә, 4 ноябрьдә илдә Халыклар бердәмлеге көне билгеләп үтелә. Шул уңайдан Татарстан Рәисе Рөстәм Миңнеханов республика халкына мөрәҗәгать итте.

Татарстан тарихи яктан күп халыклар вәкилләре өчен уртак йорт булып тора. Бу хакта Республика Рәисе Рөстәм Миңнеханов  Кремльдә Иминлек Советы һәм Милләтара, динара мөнәсәбәтләр советының уртак утырышында хәбәр итте.

Бу минутларда «Казан Экспо» үзәгендә Татарстанда Милли мәдәниятләр һәм гореф-гадәтләр елына йомгак ясауга багышланган чара дәвам итә.

Нашли опечатку? Выделите фрагмент и отправьте нажатием Ctrl+Enter