Яңалыклар (01.11.23)

Иртәнге чыгарылыш.

Татарстан Премьер-министры Алексей Песошин икенче санлы төзәтү колониясендә булды. Хөкүмәт җитәкчесе хөкем ителүчеләрнең отряд тулай торакларында яшәү шартлары белән танышты.
Лисичанск һәм Рубежное шәһәрләре супермаркетларына Татарстанда җитештерелгән азык-төлек продуктлары китерелә. Кибетләрдә «Татарстан Республикасы кооператорлары җитештергән продукциягә бәяләрне эзләгез» дигән язулар эленеп тора.
Татарстанда Милли мәдәниятләр һәм традицияләр елы уңаеннан игътибарга лаек чаралар арасына оештыручылар «Мәдәни башкала» проектын, «Татарстанның чигелгән картасы» акциясен, «Яңарыш: дастанның яңача укылышы» фестивален һәм халык бәйрәмнәрен кертә.

Көндезге чыгарылыш.

Татарстан Рәисе Рөстәм Миңнеханов бүген Санкт Петербургта 12 Халыкара газ форумы эшендә катнаша. Биредә республика стенды әзерләнгән, газ мотор ягулыгы базарын үстерү буенча ил төбәкләре рейтингында җиңүчеләрне бүләкләү тантанасы, форумның пленар утырышы була.

Лисичанск һәм Рубежное шәһәрләре кибетләренә Татарстан җитештерүчеләренең продуктлары китерелде. Татарстан Рәисе Рөстәм Миңнеханов әлеге ашамлыкларны тапшырган видеоязманы үзенең Телеграмм каналында урнаштырган һәм аларны даими итәргә вәгъдә биргән.

Татарстан Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтши Нурлат районында булды, анда «Бердәм Россия көне» партия проекты чараларында катнашты.

Кичке чыгарылышлар.

Татарстан Рәисе Рөстәм Миңнеханов Санкт Петербургта 12 Халыкара газ форумы эшендә катнаша. Өч павильонда күргәзмәләр эшли, аларда Россиядән һәм чит илләрдән 500дән артык компания продуктларынан экспозицияләр урнаштырылган. Татарстан да масштаблы стенд әзерләде.

Татарстан Рәисе Рөстәм Миңнеханов “Газпром” акционерлык җәмгыяте Идарәсе рәисе урынбасары — 623 департамент җитәкчесе Олег Аксютин белән очрашты. Очрашу Петербург Халыкара газ форумында узды.

Татарстан газ- мотор ягулыгы базарын үстерүдә “Ышанычлы ориентир” номинациясендә Россия төбәкләре рейтингында җиңүчеләр арасына керде. Бу уңайдан  республика вице-премьеры – сәнәгать һәм сәүдә министры Олег Коробченкого диплом тапшырылды.

Татарстан Рәисе Рөстәм Миңнеханов “Газппром” акционерлык җәмгыяте Идарәсе рәисе Алексей Миллер белән “КамАЗ” стендын карадылар. КамАЗның генераль директоры Сергей Когогин экспозициягә аңлатмалар бирде.

Халыкара форумда Рөстәм Миңнеханов Санкт-Петербург губернаторы Александр Беглов белән дә очрашты. Татарстан һәм Санкт Петербург арасында һәрьяклы хезмәттәшлекне ныгыту, сәүдә-икьтисади һәм гуманитар элемтәләрне үстерү турында фикер алыштылар.

Татарстан Конституция советы киләчәктә ышанычлы һәм нәтиҗәле конституция контроль органына әверелергә, үз абруен күтәрергә һәм иң мөһиме – гражданнарның ышанычын яуларга тиеш. Татарстан Дәүләт Советы Рәисе Фәрит Мөхәммәтшин әлеге оешма әгъзаларына таныклыклар тапшыру тантанасында шулай дип белдерде.

Нашли опечатку? Выделите фрагмент и отправьте нажатием Ctrl+Enter