Яңалыклар (30.10.23)

Иртәнге чыгарылыш.

Татарстан Рәисе Рөстәм Миңнеханов Төркия Президенты Рәҗәп Тайип Эрдоганны һәм Төркия халкын республика оешуының 100 еллыгы белән котлады. Бу хакта ул үзенең телеграм-каналында язган һәм төрек лидеры белән бергәләп төшкән фотосын урнаштырган.

Казанда «Ак Барс Арена» таблосында Татарстанның Төркия Республикасын 100 еллыгы уңаеннан котлау сүзләре 30 октябрьгә кадәр трансляцияләнәчәк. Кызыл фонда өч әләм сурәтләнгән: Россия, Төркия һәм Татарстан, шулай ук өч телдә «Татарстан Төркияне 100 еллыгы белән котлый» язмасы чагыла.

Иртәгә Казанда «Цифрлы икътисад өчен кадрлар әзерләү» бөтенроссия форумы узачак.
Ел башыннан Татарстанда сәламәтлек мөмкинлекләре чикләнгән 33 меңнән артык кеше техник тернәкләндерү чаралары алган.
Казанда 2023 елгы капиталь ремонт программасы 99% тан артык үтәлгән.

Кичке чыгарылыш.

Татарстан Республикасы рәисе Рөстәм Миңнеханов «Туполев» җәмгыятенең идарәче директоры Вадим Королев белән очрашты.
Россия һәм Татарстанның танылган рәссамы һәм каллиграфы Владимир Александрович Попов вафат булды.
«Зенит-Казан» ир-атлар волейбол командасы җитәкчелегенә һәм уенчыларына Россия Суперкубогында җиңү уңаеннан котлау телеграммасы юлладылар.

Нашли опечатку? Выделите фрагмент и отправьте нажатием Ctrl+Enter