Яңалыклар (27.10.23)

Иртәнге чыгарылыш.

Татарстаннан махсус хәрби операциядә катнашучылар 305 мең сум күләмендә бер тапкыр бирелә торган түләү алачак.
Татарстан Дәүләт Советы Рәисе, «Бердәм Россия» партиясенең төбәк бүлеге секретаре Фәрит Мөхәммәтшин һәлак булган хәрбиләрнең гаиләләре белән очрашты.
Казан Кремлендә Россия һәм Татарстан дәүләт бүләкләрен тапшырылды.
Тинчурин театры үзенең 90 еллыгына театрның өлкән яшьтәге артистлары белән «Ай, былбылым!» спектаклен тәкъдим итте.

Көндезге чыгарылыш.

Татарлар белән казахларның охшаш яклары күп: мәдәният, традицияләр, тел. Боларның барысы да республикалар арасында торган уртак бурычларны хәл итәргә булыша. Татарстан Рәисе хакимияте җитәкчесе Әсхәт Сәфәров Казанда Казахстан Республикасы көненә багышланган тантаналы кабул итүдә шулай дип белдерде.

Зәй шикәр заводы быел рекордлы күрсәткечкә ирешкән: яңа уңыштан 52 мең тонна шикәр комы эшләп чыгарылган.

Татарстан Премьер-министр урынбасары, Бөтендөнья татар конгрессы Милли Шура рәисе Васил Шәйхразыев Төмән өлкәсенә сәфәре вакытында Тубыл шәһәренең 15нче мәктәбе эше белән танышты.

Кичке чыгарылышлар.

Татарстан Рәисе Рөстәм Миңнеханов хөкүмәт йортында «Татнефтехиминвест-холдинг» акционерлык җәмгыятенең директорлар Советы утырышын үткәрде.

Татарстан Дәүләт Советында ветераннар арасында «Балкыш»  VIII Республика үзешчән башкаручылар фестиваленең оештыру комитеты утырышы узды, анда чираттагы фестивальгә старт бирелде. Утырышны Дәүләт Советы Рәисе, оештыру комитеты рәисе Фәрит Мөхәммәтшин үткәрде.

Бөтендөнья татар конгрессы, Татарстанның Мәгарифне үстерү институты белән берлектә, «Дастан» дәрестән тыш чаралар методик эшләнмәләр бәйгесенә йомгак ясады.

Татарстан Рәисе Рөстәм Миңнеханов республиканың кече нефть компанияләре җитәкчеләре белән киңәшмә үткәрде. Очрашуда 2023 елның 9 аендагы эш нәтиҗәләре турында фикер алыштылар.

Татарстан Дәүләт Советында ветераннар арасында «Балкыш»  VIII Республика үзешчән башкаручылар фестиваленең оештыру комитеты утырышы узды, анда чираттагы фестивальгә старт бирелде. Утырышны Дәүләт Советы Рәисе, оештыру комитеты рәисе Фәрит Мөхәммәтшин үткәрде.

Татарстан Фәннәр академиясендә «Татар халык дастаны һәм Нәкый Исәнбәт» дигән күргәзмә тәкъдир ителде.

Нашли опечатку? Выделите фрагмент и отправьте нажатием Ctrl+Enter