Яңалыклар (25.10.23)

Иртәнге чыгарылыш.

Татарстан Дәүләт Советы Рәисе Фәрит Мөхәммәтшин Алексеевский районынында Татарстан халыклары Ассамблеясе Советының күчмә утырышын үткәрде.
Татарстаннан шефлыкка алган шәһәрләргә 135 тоннадан артык гуманитар ярдәм җибәрелде.
26-27 октябрьдә Казан федераль университетының Филология һәм мәдәниятара багланышлар институтының Габдулла Тукай исемендәге Милли мәдәният һәм мәгариф югары мәктәбе базасында «Хаков укулары-2023» Халыкара фәнни-гамәли конференциясе үткәрелә.

Көндезге чыгарылыш.

Татарстан Рәисе Рөстәм Миңнеханов республиканың төрле районнарында яшәүчеләргә Лисичанский һәм Рубежное шәһәрләре халкына җибәрелгән гуманитар йөкләре өчен рәхмәт белдерде.

Премьер-министр урынбасары Роман Шәйхетдинов җитәкчелегендәге Татарстан делегациясе эш сәфәре белән Үзбәкстанга килде. Сәфәрнең максаты – мәгьлүмәти технологияләр өлкәсендә хезмәттәшлекне җайга салу.

Мәскәдәге Волков мөселман зиратында күренекле татар җырчысы, Россиянең халык артисты Ринат Ибраһимов каберенә мәрмәрдән истәлек ташы куелачак.

Кичке чыгарылышлар.

Татарстан Рәисе Рөстәм Миңнеханов Мәскәүдә Россия Хөкүмәте рәисе урынбасары Дмитрий Чернышенко белән очрашты. Алар 2024 елның 21 февраленнән алып, 3 мартка кадәр Казанда узачак “Киләчәк уеннары” Халыкара мульти спорт турнирына әзерлек буенча фикер алыштылар.

Чечня башлыгы Рамзан Кадыйров улы Адам Кадыйровка «Дуслык» ордены тапшырганы өчен Татарстан Рәисе Рөстәм Миңнехановка рәхмәт әйтте. Рамзан Кадыйров телеграмм каналында шул хакта язган.

Татарстан Дәүләт Советы Рәисе, “Бердәм Россия” партиясенең төбәк бүлеге секретаре Фәрит Мөхәммәтшин партия рәисе Дмитрий Медведевнең төбәк кабул итү бүлмәсендә гражданнарны кабул итте.

Татарстан Рәисе Рөстәм Миңнеханов Мәскәүдә Россия Хөкүмәте рәисе урынбасары Дмитрий Чернышенко белән очрашты. Алар 2024 елның 21 февраленнән алып, 3 мартка кадәр Казанда узачак “Киләчәк уеннары” Халыкара мульти спорт турнирына әзерлек буенча фикер алыштылар.

Татарстан Дәүләт Советы Рәисе, “Бердәм Россия” партиясенең төбәк бүлеге секретаре Фәрит Мөхәммәтшин партия рәисе Дмитрий Медведевнең төбәк кабул итү бүлмәсендә гражданнарны кабул итте.

Иртәгә Татарстан Фәннәр академиясендә “Идел-Урал археологиясе” нең 7 томлык басмасы тәкъдир ителәчәк.

Нашли опечатку? Выделите фрагмент и отправьте нажатием Ctrl+Enter