Яңалыклар (20.10.23)

Иртәнге чыгарылыш.

Россия Президенты Владимир Путин дөньяның төрле илләрендәге спортчылар һәм яшьләрне киләсе елда Татарстан башкаласында узачак «Киләчәк уеннары» ярышларында катнашырга чакырды.
Казанда Алтынчы чакырылыш Татарстан Республикасы Дәүләт Советының кырык сигезенче утырышы булды.
Бу көннәрдә Иннополиста бизнес һәм мәгарифтә цифрлы бәйсезлеккә багышланган бөтенроссия форумы уза.

Көндезге чыгарылыш.

Бүген күренекле җәмәгать эшлеклесе, Татарстанның халык шагыйре Разил Вәлиевнең йөрәге тибүдән туктады.

Татарстан Премьер-министры урынбасары Роман Шәйхетдинов Бразилия Федератив Республикасының Россия Федерациясендәге Гадәттән тыш һәм Тулы вәкаләтле Илчесе Родриго Баэна Соарес белән очрашты.

Төркмәнстанда Татарстан мәдәнияте көннәре ике халыкның сәнгать осталары катнашында дуслык концерты белән тәмамланды.

Саҗидә Сөләйманова исемендәге әдәби премияләр быел беренче мәртәбә Казанда тапшырылды.

Кичке чыгарылышлар.

Дәүләт Советы Рәисе Фәрит Мөхәммәтшин Татарстанның халык шагыйре, дәүләт һәм җәмәгать  эшлеклесе,  Татарстан Дәүләт Советы депутаты Разил Исмәгыйль улы Вәлиевнең вафаты сәбәпле, кайгы уртаклашу белдерде.

Татарстан Дәүләт телевидение һәм радиотапшырулар компаниясе республика Рәисе каршындагы татар телен һәм Татарстанда яшәүче халыклар телләрен саклау, үстерү комиссиясе белән берлектә 8 яңа проектны гамәлгә ашыра.

Мәскәүдә «Татарча диктант» акциясендә мәктәп укытучылары һәм татар теле курслары студентлары катнашкан.

Россия тышкы эшләр министры Сергей Лавров Татарстан Рәисе Рөстәм Миңнехановка Казанда Әфганстан буенча Мәскәү консультацияләре форматының бишенче утырышын уздыруда ярдәм иткәне өчен рәхмәт белдерде.
Көньяк хәрби округының 58нче армиясе командующие генерал-майор Сергей Медведев Татарстан Рәисе Рөстәм Миңнехановка Рәхмәт хаты юллаган.
Республикабыз зур югалту кичерә. Арабыздан халкыбызның сөекле улы, күренекле җәмәгать һәм дәүләт эшлеклесе, язучы Разил Вәлиев китте. Республикабыз җитәкчелеге кайгы уртаклашу сүзләрен белдерде.
Иртәгә ТР башкаласында традицион авыл хуҗалыгы ярминкәләре узачак.

Нашли опечатку? Выделите фрагмент и отправьте нажатием Ctrl+Enter