Фидакарьләр (17.10.23)

Гомерләрен татар теле һәм әдәбиятын, башка фәннәрне татар телендә укытуга багышлаган, укучылары күңелендә туган телгә мәхәббәт тәрбияләүче мөхтәрәм укытучылар һәм бакча тәрбиячеләре турында сөйләвебезне дәвам иттерәбез. Студиябезнең чираттагы кунагы — Ханнанова Миләүшә Хатыйп кызы. Азнакай районы Татар Шуганы авылында дөньяга килә. 1992 нче елда Яр Чаллы педагогия институтына укырга керә. 1996 нчы елдан Казан шәһәрендә яши. Бүген Казан шәһәре Идел буе районының 35 нче лицее – “Галактика” Мәгариф үзәгендә татар теле һәм әдәбияты дәресләрен укыта.

Миләүшә Хатыйп кызы Ханнанова мәктәптә эшләү дәверендә төрле конкурсларда катнашып һәрдаим үз осталыгын чарлый. 2009 нчы елда ул  «Казан шәһәренең иң яхшы татар теле укытучысы» һөнәри конкурсы җиңүчесе була. 2011, 2012 нче елларда «Безнең иң яхшы укытучы» грантларын ота. 2018 нче елда туган тел укытучыларының  Бөтенрәсәй мастер-класс конкурсында гран-при иясе. 2018 нче елда «Укытучы-эксперт» грантына лаек була. 2016 елдан алып бүгенгәчә укучылары татар теленнән республика олимпиадасы җиңүчеләре һәм призерлары. 2016 нчы Татарстан Мәгариф министрлыгының мактау грамотасына, 2020 нче елда «Мәгариф өлкәсендәге казанышлары өчен» күкрәк билгесе белән бүләкләнә.

Нашли опечатку? Выделите фрагмент и отправьте нажатием Ctrl+Enter