Яңалыклар (10.10.23)

Иртәнге чыгарылыш.

Татарстан Республикасының яңа прокуроры Альберт Суяргуловны ведомство коллективына тәкъдим иттеләр.
Татарстан Социаль фонды махсус хәрби операциядә катнашучылар һәм аларның гаилә әгъзаларына төрле ярдәм чаралары күрсәтә.
15 нче октябрьдән Казанның юл хезмәтләре кышкы эш режимына күчәчәк.

Көндезге чыгарылыш.

2024 елга һәм 2025-2026 еллар план чорына Татарстан бюджеты турында закон проекты Дәүләт Советына кертелде. Парламентта республиканың төп финанс законы турында киң фикер алышу 19 октябрьгә билгеләнгән.

Казан-Оренбург автомобиль юлының Сокура бистәсен урап узу участогын төзү 2025-2027 елларга билгеләнгән. Бу хакта “Роавтодор” оешмасы җитәкчесе Роман Новиковның Татарстанга эш сәфәре вакытында билгеле булды.

Чаллыда эшче яшьләр иҗатының «Безнең заман» XI ачык республика телевизион фестиваленең беренче зона этабы тәмамланды — фестивальнең суперфиналына чыккан җиңүчеләр ачыкланды.

Кичке чыгарылышлар.

Татарстан Рәисе Рөстәм Миңнеханов Казанның Үзәк универсаль кибетен һәм янәшәдәге территорияне карады. Биредә киләчәктә халык һөнәрләре һәм осталары үзәге булачак.

Татарстан җитәкчелеге республика Дәүләт кинематография комитетының элеккеге рәисе Зөфәр Бохараев вафат булу сәбәпле, кайгы уртаклашты.

Достижения.рф сайтында тавыш бирү өчен обьектлар исемлеге артты. Хәзер анда Татарстанның авыл хуҗалыгы тармагы өчен тавыш бирергә мөмкин.

Татарстан Рәисе Рөстәм Миңнеханов Казанның тарихи үзәгендә берничә объектта булды.
Дәүләт Советы Рәисе Фәрит Мөхәммәтшин җитәкчелегендәге Татарстан парламенты делегациясе эш визиты белән Алтайга килде.
Бүген Дәүләт Советында Законлылык һәм хокук тәртибе комитеты утырышы узды.

Нашли опечатку? Выделите фрагмент и отправьте нажатием Ctrl+Enter