Яңалыклар (06.10.23)

Иртәнге чыгарылыш.

Иннополис лицееның математика укытучысы Арман Костанян “Ел укытучысы -2023” Бөтенроссия конкурсы призеры булды.

Россия мөселманнары Диния нәзарәте рәисе Равил хәзрәт Гайнетдин тарафыннан ил буенча ислам туристлык урыннарын булдыру проекты хупланган.

Бүген Чаллыда эшләүче яшьләрнең “Безнең заман” 11 ачык республика телевизион иҗат фестиваленең зона этабы башлана.

Көндезге чыгарылыш.

Россия Федерациясе Сәнәгать һәм сәүдә министрлыгы югары технологияләр өлкәсендәге Россия технопарклары реестрына беренче обьектны кертте. Ул — «Иннополис» махсус икътисадый зонасының «ИнноПаркы» һәм аның идарәче компаниясе.

Татарстанда “Пилотсыз авиация системалары” илкүләм проектын гамәлгә ашыру буенча ведомствоара хөкүмәт комиссиясе төзелде.

Казандагы «Адымнар – белемгә һәм килешүгә юл» күптелле белем бирү комплексында Укытучылар көненә багышланган традицион тантана узды. Анда Татарстан Дәүләт Киңәшчесе, «Яңарыш» республика фондының Попечительләр советы рәисе Минтимер Шәймиев катнашты.

Кичке чыгарылышлар.

Татарстан мөфтие Камил хәзрәт Сәмигуллин Үзбәкстан  Президенты Шәүкәт Мирзиёевка яңартылган «Казан басмасы»н бүләк итте.

Татарстан Рәисе Рөстәм Миңнеханов хөкүмәт йортында Россиянең триатлон Федерациясе президенты Ксения Шойгу белән очрашты.

Татарстанда “Пилотсыз авиация системалары” илкүләм проектын гамәлгә ашыру буенча ведомствоара хөкүмәт комиссиясе төзелде.

Россия Президенты Владимир Путин белән очрашуда Үзбәкстан Президенты Шәүкәт Мирзиеев Казанда узган 3 төбәкара хезмәттәшлек форумы нәтиҗәләреннән бик канәгать булуын белдерде.

«Казан Экспо» күргәзмәләр Үзәгендә Халыкара укытучы көненә багышланган тантана узды. Анда Татарстан Рәисе Рөстәм Миңнеханов, Дәүләт Киңәшчесе Минтимер Шәймиев катнашты.

Иртәгә, 7 октябрьдә башкалабыз Казанда традицион көзге авыл хуҗалыгы ярминкәләре үткәрелә.

Нашли опечатку? Выделите фрагмент и отправьте нажатием Ctrl+Enter