Яңалыклар (28.09.23)

Иртәнге чыгарылыш.

Киләсе шимбә көнне, 30 сентябрьдә, Татарстан мөселманнары Диния нәзарәтенең «Зәкят» хәйрия фондында хатын-кызлар һәм балалар өчен хәләл продуктлар ярминкәсе оештырыла.
Татар милли каһарманы Туган батыр турында икенче китап тәкъдим ителде.
3-15 октябрь көннәрендә дөньякүләм «Татарча диктант» акциясе уза.

Көндезге чыгарылыш.

Казанда Кытай Халык Республикасы оешуның 74 еллыгы уңаеннан тантаналы чара узды.

Бөтенроссия “Ватанны саклаучылар фонды”ның республика филиалында «Герой хатыны» фотокүргәзмәсе ачылды.

«Әкият» курчак театры Галиәсгар Камалның ике пьесасын берләштереп, «Камал комедияләре» спектаклен сәхнәләштерде. Бүген тамашачыларга спектакльнең премьерасы тәкьдим ителә.

Кичке чыгарылышлар.

Республика Хөкүмәте йортында «Татнефтехиминвест-холдинг» акционерлык җәмгыятенең директорлар Советы утырышы булды. Аны Татарстан Рәисе Рөстәм Миңнеханов үткәрде.

Татарстанда быел туристлык тармагында акча әйләнеше 40 миллиард сумнан артып китәчәк.

Кукмараның яңа мөселман зиратында «Дан аллеясе» ачылды. Анда махсус хәрби операциядә һәлак булган биш Герой — Илнур Нәҗипов, Фәнил Хисмәтуллин, Айнур Измайлов, Илмир Кашапов, Рүзил Сабирҗанов җирләнгән.

Татарстан Рәисе Рөстәм Миңнеханов Пермьдә  Идел буе Федераль округы Советының яшьләр сәясәте мәсьәләләренә багышланган утырышында катнашты. Чараны Россия Президентының Идел буе Федераль округындагы Вәкаләтле вәкиле Игорь Комаров үткәрде.

Татарстан Дәүләт Советы рәисе Фәрит Мөхәммәтшин Казанда халыкара юридик форумның пленар утырышында катнашты.

Бүген Чечня Республикасында Татарстан мәдәнияте көннәре тәмамлана.

Нашли опечатку? Выделите фрагмент и отправьте нажатием Ctrl+Enter