Яңалыклар (13.09.23)

Иртәнге чыгарылыш.

Татарстан Рәисе Рөстәм Миңнеханов Көнчыгыш икьтисади форумында Россия Хөкүмәте Рәисе урынбасары Марат Хөснуллин белән Мәскәү- Казан М-12 проектын гамәлгә ашыру турында фикер алышты.
Татарстан Рәисе хакимияте җитәкчесе Әсхәт Сәфәров Казан Кремлендә Татарстаннан “Россия лидерлары” конкурсының округ финалында катнашучылар белән очрашты.
Казанда “Киләчәк уеннары”н үткәрү буенча оештыру комитеты чемпионатны 21 спорт төренә кадәр киңәйтү турындагы карарга килгән.

Көндезге чыгарылыш.

Бүген Приморье краенда Көнчыгыш икътисади форумында Татарстан Рәисе Рөстәм Миңнеханов  җитәкчлегендәге делегация катнаша.

Урманнарны янгыннардан, корткыч бөҗәкләрдән ничек сакларга, киләчәктә кайсы төр агачларны күбрәк утыртырга, урманчы һөнәренең абруен ничек артырырга? Республика урман хуҗалыгы министры Равил Кузюров журналистларга шулар хакында сөйләде.

Татарстан Диния нәзарәте яңа финанс продукты – хәләл лизингны хуплады.

Кичке чыгарылышлар.

Татарстан Рәисе Рөстәм Миңнеханов республика хөкүмәте йортында Үзбәкстанның Россия Федерациясендәге гадәттән тыш һәм тулы Вәкаләтле вәкиле Ботиржон Асадов белән очрашты.

Октябрьдә республикада Халыкара өлкәннәр көненә багышланган чаралар узачак. Татарстан Премьер-министры Алексей Песошин ведомстволарга һәм оешмаларга өлкән яшьтәге кешеләрне яклау чараларын оештырырга күрсәтмә бирде.

Республикада 9 мең 800 гектарда шикәр чөгендере казып алынган.

Татарстан Рәисе, “Россия – Ислам дөньясы” стратегик караш төркеме җитәкчесе Рөстәм Миңнеханов, Мароккода көчле җир тетрәү сәбәпле, ил  короле Мөхәммәт 6 әфәндегә теләктәшлек телеграммасын җибәрде.

Дәүләт Советы Рәисе Фәрит Мөхәммәтшин Татарстаннан сайланган Россия сенаторлары һәм Дәүләт Думасы депутатлары белән киңәшмә үткәрде.

Октябрьдә республикада Халыкара өлкәннәр көненә багышланган чаралар узачак. Татарстан Премьер-министры Алексей Песошин ведомстволарга һәм оешмаларга өлкән яшьтәге кешеләрне яклау чараларын оештырырга күрсәтмә бирде.

Нашли опечатку? Выделите фрагмент и отправьте нажатием Ctrl+Enter