Яңалыклар (05.09.23)

Иртәнге чыгарылыш.

7-8 сентябрьдә Казанда “Ростки” Россия — Кытай форумы узачак. Анда Россиянең 50 төбәгеннән һәм 20 чит илдән вәкилләр, шул исәптән Кытайдан зур делегациянең катнашуы көтелә.

Республика кырларында барлык мәйданның 98 процентында ашлык җыеп алынган. Һәр гектардан уртача 26 центнер уңыш чыга.

Теләче районы Иске Җөри авылында Таһир Якупов исемендәге I республика фестиваль-бәйгесенә йомгак ясалды.

Көндезге чыгарылыш.

Бүген Галиәсгар Камал исемендәге Татар Дәүләт Академия театрында 19 Халыкара мөселман киносы фестивале ачыла.

«Мәктәпкә җыенырга булыш» акциясендә Татарстаннан Луганск Халык Республикасы балаларына 2 мең 570 сумка һәм уку-язу әсбаплары җыеп тапшырылды.

Татарстанда “Роспотребнадзор” оешмасының мәктәпләрдә туклануны оештыру мәсьәләләре буенча кайнар линиясе эшли башлады.

Кичке чыгарылышлар.

Республика Рәисе Рөстәм Миңнеханов Хөкүмәт йортында Россия Федерациясенең Бөтендөнья сәүдә оешмасындагы даими вәкиле Дмитрий Лякишев белән очрашты.

Татарстан игенчеләре 3 миллион 662 мең тонна ашлык җыеп алган. Гектардан уртача уңыш 25,8 центнер. Бу хакта Татарстан  Министрлар Кабинетында узган брифингта авыл хуҗалыгы һәм азык-төлек министры Марат Җаббаров хәбәр итте.

Быел республикада көзге ярминкәләр 9 сентябрьдә башлана.

Быел Россия Кораллы Көчләренә Казан авиация заводында җыелган ТУ-160М маркалы дүрт стратегик очкыч тапшырылачак. Бу хакта Кораллы Көчләрнең селектор киңәшмәсендә оборона министры Сергей Шойгу белдерде.

Татарстан Рәисе Рөстәм Миңнеханов Казан федераль университетының күп функцияле стоматология поликлиникасында булды.

Бүген Галиәсгар Камал исемендәге Татар Дәүләт Академия театрында 19 Халыкара мөселман киносы фестивале ачыла.

Нашли опечатку? Выделите фрагмент и отправьте нажатием Ctrl+Enter