Яңалыклар (31.08.23)

Иртәнге чыгарылыш.

Республика һәм Казан шәһәре көнен, гадәттәгечә, зурлап билгеләп үттек. Бәйрәм уңаеннан башкалада, һәрвакыттагыча, яңа объектлар ачылды, мәдәни һәм спорт чаралары үткәрелде.
Казанда ТАССР Югары Советы Президиумының элеккеге рәисе һәм РСФСР Югары Советы Президиумы Рәисе урынбасары Әнвәр Баһаутдинов хөрмәтенә мемориаль такта ачылды.
Бәйрәм һәм ял көннәре, дип тормыйлар, игенчеләр — кырда. Бүгенге көндә барлык мәйданнарның 92 процентында уңыш җыелган.

Көндезге чыгарылыш.

Казанда нефть-газ химиясе форумы ачылды. “Казаньэкспо” күргәзмәләр комплексында форумны ачу тантанасында республика Рәисе Рөстәм Миңнеханов катнашты.

Татарстан мөселманнары Диния нәзарәтенең «Зәкят» хәйрия фонды Донецк һәм Луганскидан Казанга килүчеләргә гуманитар ярдәм күрсәтүне дәвам итә.

Лениногорскийда кош гриппы чыганагы ачыклану сәбәпле, Чайковский урамындагы 44 нче йортта карантин кертелде, ә аннан 5 чакрым радиуста куркыныч янаучы зона билгеләнде.

Кичке чыгарылышлар.

Татарстан Рәисе Рөстәм Миңнеханов видео элемтә режимында Татарстанда 11 яңа мәктәпне кабул итүдә катнашты.

“Казанэкспо”ның күргәзмәләр мәйданында республика, Россия һәм чит илләр әйдәп баручы нефть-газ химиясе компанияләренең яңа җиһазларын һәм алдынгы технологияләрен тәкьдир иттеләр.

Татарстан Дәүләт Советы Рәисе Фәрит Мөхәммәтшин, парламент депутатлары төрле елларда төрле вазыйфаларда, шул исәптән ТАССР Югары Советы һәм Дәүләт Советы Президиумнары рәисләре булып эшләгән сәясәт эшлеклеләренең каберләренә барып искә алдылар. Әлеге чара Республика көне уңаеннан узды.

Казанда нефть-газ химиясе форумы ачылды. “Казанэкспо” күргәзмәләр комплексында форумны ачу тантанасында республика Рәисе Рөстәм Миңнеханов катнашты.

“Казанэкспо”ның күргәзмәләр мәйданында республика, Россия һәм чит илләр әйдәп баручы нефть-газ химиясе компанияләренең яңа җиһазларын һәм алдынгы технологияләрен тәкьдир иттеләр.

Дәүләт Советы Рәисе Фәрит Мөхәммәтшин һәм депутатлар  Арча зиратында Әнвәр Баһаветдинов, Гали Динмөхәммәтов, Василий Лихачев, Мөхәммәт Сабироов каберләренә чәчәкләр салдылар. Шулай ук яңа татар бистәсе зиратында дәүләт эшлеклеләре Сәлах Низамов, Салих Батыев каберләренә чәчәкләр куелды.

Нашли опечатку? Выделите фрагмент и отправьте нажатием Ctrl+Enter