Яңалыклар (29.08.23)

Иртәнге чыгарылыш.

Республика кырларында 1 миллион 350 мең гектарда, ягьни барлык мәйданның 91 процентында ашлык җыеп алынган.
Быел Казандагы мәгариф учреждениеләрендә 174 мең укучы белем алачак, шуларның 20 меңе – беренче сыйныфка баручылар.
Бүген Россия Геройлары Татарстан мәктәпләрендә Батырлык дәресләрен үткәрә.

Көндезге чыгарылыш.

30 августта Татарстанда Республика көне билгеләп үтелә. Шул уңайдан Республика Рәисе Рөстәм Миңнеханов мөрәҗәгать белән чыкты.

Россия Президенты Владимир Путин Указы белән Хәрби бурычларын үтәгәндә күрсәткән батырлыклары өчен Чаллы гражданнары: рядовойлар – Илнур Әхмәтҗанов, Алексей Гарнышев, Алексей Плотников, Рамил Хаҗиев, Владимир Чекмарев, ефрейторлар – Максим Пирогов, Александр Решетников, Никита Решетников, Ефим Скворцов, сержант Владимир Колокольников, өлкән лейтенант Владимир Мироненко, лейтенант Ильяс Галиакбәров һәлак булганнан соң, Батырлык орденнары белән бүләкләнде.

Бүген Казанда глобаль яшьләр саммиты эшен дәвам итә. Анда Россия төбәкләреннән һәм дөньяның 30 иленнән вәкилләр катнаша.

Кичке чыгарылышлар.

Татарстан Рәисе Рөстәм Миңнеханов Казан Кремлендә Россия Федерациясе һәм Татарстанның Дәүләт бүләкләрен тапшырды.

Рөстәм Миңнеханов Казан Кремлендә “Идел буендагы Казан: халык мәдәнияте образлары” дигән традицион киемнәр күргәзмәсен карады. Күргәзмә белән Дәүләт Советы Рәисе Фәрит Мөхәммәтшин да танышты.

Республика Дәүләт Киңәшчесе, “Яңарыш” фонды Попечительләр Советы Рәисе, ЮНЕСКОның мәдәниятара диалог буенча илчесе Минтимер Шәймиев Бөтендөнья Ислам оешмасының мәгариф, фән һәм мәдәният мәсьәләләре буенча Генераль директоры Сәлим бин Мөхәммәд Аль-Малик белән очрашты.

Татарстан Рәисе Ислам хезмәттәшлеге оешмасы яшьләр форумы президенты  Таху Айхан белән очрашты.

Рөстәм Миңнеханов Бөтендөнья Ислам оешмасының мәгариф, фән, мәдәният буенча Генераль директоры Сәлим бин Мөхәммәд Аль-Малик белән очрашты.

Республика кырларында 1 миллион 446 мең гектарда, ягьни барлык мәйданның 95 процентында ашлык җыеп алынган.

Нашли опечатку? Выделите фрагмент и отправьте нажатием Ctrl+Enter