Яңалыклар (23.08.23)

Иртәнге чыгарылыш.

Республика кырларында 1 миллион 258 мең гектарда, ягьни барлык мәйданның 84 процентында ашлык җыеп алынган.

Элмә такталарда, юл -мәгълүмат күрсәткечләрендә, топографик билгеләрдә, торак йортлар аншлагында татар телендәге язуларда хаталарны ачыклау буенча бәйге игълан ителде.

Россия мөселманнары Диния Нәзарәте җитәкчесе, мөфти шәех Равил Гайнетдиннең «Әхлак» дисциплинасы буенча тәкъдим ителгән уку әсбабы дөнья күрде.

Көндезге чыгарылыш.

Россия Президенты Владимир Путин стратегик үсеш һәм илкүләм проектлар буенча Совет утырышын үткәрде. Утырышта Татарстан Рәисе Рөстәм Миңнеханов катнашты.

Татарстан Рәисе Рөстәм Миңнеханов республика хөкүмәте йортында «Полимекс» компаниясе директорлар Советы рәисе Эрол  Табанджа белән очрашты. Төзелеш өлкәсендә киләчәктә хезмәттәшлек мәсьәләләре тикшерелде.

Казанның Марат Садыйков исемендәге 7нче шәһәр клиник хастаханәсе Социаль статистика фәнни-тикшеренү институты үткәргән «Россиянең иң яхшы сәламәтлек саклау учреждениеләре — 2023» илкүләм конкурсында җиңеп чыкты.

Кичке чыгарылышлар.

БРИКС берләшмәсенә кергән Бразилия, Россия, Һиндстан, Кытай һәм Көньяк Африка Республикасы илләренең чираттагы саммиты 2024 елның октябрендә Казанда үткәрелергә мөмкин. Бу хакта Россия Президенты Владимир Путин берләшмә саммитында ясаган чыгышында белдерде.

Татарстан Рәисе Рөстәм Миңнеханов Зәйдә Бөек Ватан сугышы ветераны, республика энергетика ветераны, Зәй ГРЭСын башлап төзүчеләрнең берсе Леонид Мачтаков белән очрашты.

Татарстан Рәисе Зәй районы авыл хуҗалыгы хезмәтчәннәре белән очрашты, Зәйдә “Дулкын” бассейнын ачуда катнашты.

Республика Рәисе Рөстәм Миңнеханов Менделеевтагы “Аммоний” акционерлык җәмгыятендә булды.

Татарстан Рәисе Менделеевта  “Атмосфера” җәмәгать киңлеген ачуда катнашты.

Бүген Мамадышта республиканың әйдәп баручы радиолары хезмәткәрләренең  волейбол буенча традицион ярышлары узды. Турнирда безнең Татарстан радиосы командасы беренче урынны яулады.

Нашли опечатку? Выделите фрагмент и отправьте нажатием Ctrl+Enter