Фидакарьләр (22.08.23)

“Фидакарьләр” проекты. 28 нче тапшыру.

Гомерләрен татар теле һәм әдәбиятын, башка фәннәрне татар телендә укытуга багышлаган, укучылары күңелендә туган телгә мәхәббәт тәрбияләүче мөхтәрәм укытучылар һәм бакча тәрбиячеләре турында сөйләвебезне дәвам иттерәбез.

Студиябезнең бүгенге кунагы — Мөхәммәтова Айсылу Марат кызы. 1998 елда Саба районы Олы Шыңар авылында дөньяга килә һәм укытучылар гаиләсендә тәрбияләнеп үсә. Урта мәктәпне тәмамлагач, Казан федераль университетының Филология һәм мәдәниятара багланышлар институтында белем ала. Студент елларында ук мәктәптә эшли башлый. Бүген Казан шәһәре Яңа Савин районы 146 нчы «Ресурс» лицееның татар теле һәм әдәбияты, инглиз теле укытучысы. Шул ук вакытта Казан федераль университетының 2 нче курс магистры. Яшь кенә булуына карамастан, Айсылу Марат кызы үзен төрле осталык конкурсларында да сыный. Ул 2023 елда «Ел укытучысы» һөнәри осталык конкурсының район этабы призеры, шәһәр этабында дипломант, «Туган тел һәм якшәмбе мәктәпләре укытучыларының бөтенроссия конкурсы» лауреаты.

Нашли опечатку? Выделите фрагмент и отправьте нажатием Ctrl+Enter