Яңалыклар (18.08.23)

Иртәнге чыгарылыш.

Татарстан һәм Мәскәү тиешле программалар нигезендә заманча университет кампусларын төзү мөмкинлеген өйрәнергә тиеш. “Россиядә креатив икьтисад үсеше” дигән күргәзмәне карагач, ил Президенты Владимир Путин шундый күрсәтмә бирде.

Республика Хөкүмәте йортында Министрлар Кабинеты һәм Татарстанда “Нәтиҗәле төбәк” пилот проектын гамәлгә ашыру буенча Координация Советының уртак утырышы булды.

Быел Казан халыкара мөселман киносы фестивале фильмнары «Корстон» сәүдә күңел ачу үзәге кинотеатрында күрсәтеләчәк.

Көндезге чыгарылыш.

Татарстан Рәисе Рөстәм Миңнеханов Мәскәүдә Дәүләт Соаеты Президиумының җәмәгать транспортын үстерү мәсьәләләренә багышланган утырышында катнашты.

Россия Президенты Владимир Путин балалар пособиеләрен түләү буенча берничә күрсәтмә бирде.

“Мәгариф” илкүләм проекты буенча Тукай районының Шилнәбаш авылында йөз укучыга исәпләнгән яңа мәктәп төзелде.

Кичке чыгарылышлар.

Татарстан Рәисе Рөстәм Миңнеханов Димитровградта Дәүләт фәнни үзәгендә — Атом реакторларының фәнни – тикшеренү институтында, Россия Федераль медицина академиясенең медицина радиологиясе һәм онкологиясе Федераль фәнни-клиник үзәгендә   булды.

Татарстан Рәисе Димитровградта “Мастер” индустриаль паркын да карады.

Казанда ачылган VI Яшь дипломатлар глобаль форумында катнашучыларга Россия тышкы эшләр министры Сергей Лавров котлау юллады.

Республика Рәисе Рөстәм Миңнеханов Ульяновск шәһәренең берничә авиация предприятиесендә булды.

Республикада игеннәрне урып-җыю дәвам итә. Әтнә районы беренче булып уракны төгәлләде.

31 августтан 2 сентябрьгә кадәр «Казань Экспо» күргәзмә үзәгендә Татарстан нефть-газ химиясе форумы була.

Нашли опечатку? Выделите фрагмент и отправьте нажатием Ctrl+Enter