Фидакарьләр (15.08.23)

«Фидакарьләр” проекты. 27 нче тапшыру.

Гомерләрен татар теле һәм әдәбиятын, башка фәннәрне татар телендә укытуга багышлаган, укучылары күңелендә туган телгә мәхәббәт тәрбияләүче мөхтәрәм укытучылар һәм бакча тәрбиячеләре турында сөйләвебезне дәвам иттерәбез.

Студиябезнең бүгенге кунагы — Әгъзәмова Алисә Хәбир кызы. 1986 елның 22 нче февралендә Теләче районында дөньяга килә. 2003 елда Теләче урта мәктәбен тәмамлап, Казан дәүләт университетының татар теле һәм әдәбияты факультетына укырга керә. Студент елларында Галимҗан Ибраһимов исемендәге 17 нче татар гимназиясендә практика үтә. 2008 нче елда кулына диплом алып, Казан шәһәре 174 нче мәктәбендә татар теле һәм әдәбият укытучысы булып эшли башлый.

Алисә Хәбир кызы Әгъзәмова 2008 елдан алып бүгенгә кадәр рус төркемнәрендә (рус телле балаларга) татар теле укыта. 2012 елда “Ел укытучысы” конкурсында катнашып шәһәр этабына үтә. Шул ук елны Совет районындагы алман телен тирәнтен өйрәнүче 72 нче мәктәптә эшли башлый. 2016 нчы елда Валерия Николаевна Мещяракова курсларында белем алып, тьютерлык дипломына ия була һәм грант ота.

Вәзгыятькә бәйле рәвештә, Алисә Хәбир кызы Әгъзәмова 2018 нче елда башлангыч сыйныф укытучысы белгечлеге буенча яңадан әзерлек уза.

2019 нчы елдан бирле, Мирза Мәхмүтов исемендәге 184 нче мәктәбендә башлангыч сыйныфлар, татар теле һәм әдәбияты укытучысы булып эшли башлый. 2023 елда “Ел укытучысы” бәйгесендә катнашып, республика этабында  “Иҗат һәм инновация” дипломына лаек була.

Нашли опечатку? Выделите фрагмент и отправьте нажатием Ctrl+Enter