Пар канатлар (15.08.23)

Күренекле галим – филология фәннәре докторы, профессор, академик,  Татарстанның һәм Россиянең атказанган  фән эшлеклесе, бик күп дәреслекләр авторы, Татарстан дәүләт премиясе лауреаты, берничә орден һәм медаль кавалеры Мирфатыйх Зәки улы  Зәкиевка  95 яшь. Хатыны белән алар 65 елдан артык бергә яшәделәр, Лена апа хәзер гүр иясе инде, ә Мирфатыйх абый оныкларын гына түгел, оныкларының да балаларын сөю бәхетенә иреште. Галимҗан Ибраһимовча әйтсәк,  түбәннән, тормышның төбеннән күтәрелгән шәхес. Сугыш чорының күпчелек балалары кебек иртә олыгайган,  ачлы-туклы килеш көтү дә көткән, тимерче дә булган, ятимлек  ачысын да кичергән. Әмма тормыш авырлыклары аның рухын сындыра, белемгә омтылышын сүндерә алмаган. Бүгенге тапшыруда ул  безне катлаулы тормышының  кайбер сәхифәләре белән таныштыра.

Авыл хуҗалыгы фәннәре докторы, дәүләт премиясе лауреаты Марс Алиевның Мөнирә ханым белән кавышуына  18 августта  50 ел тула. Алар белән әңгәмә дә матур гаилә кору, җәмгыятькә файдалы балалар үстерү турында бара.

Нашли опечатку? Выделите фрагмент и отправьте нажатием Ctrl+Enter