Фидакарьләр (01.08.23)

“Фидакарьләр” проекты. 26 нчы тапшыру.

Гомерләрен татар теле һәм әдәбиятын, башка фәннәрне татар телендә укытуга багышлаган, укучылары күңелендә туган телгә мәхәббәт тәрбияләүче мөхтәрәм укытучылар һәм бакча тәрбиячеләре турында сөйләвебезне дәвам иттерәбез. Студиябезнең бүгенге кунагы — Җәләева Гөлүзә Азат кызы. 1994 елның 12 нче июлендә Балтач районы Шубан авылында дөньяга килә. 2010 елда туган авылында төп гомум белем бирү мәктәбен, 2012 елда Арча районы Апаз урта мәктәбен тәмамлый һәм Казан федераль университеты Филология һәм мәдәниятара багланышлар институтының “Татар филологиясе. Педагогик белем” профиле буенча бакавриатта укый. Аны 2017 елда тәмамлап, Казан шәһәре Вахитов районының Габдулла Тукай исемендәге 1 нче татар гимназиясендә татар теле һәм әдәбияты укытучысы булып эшли башлый. Шул ук елны Казан федераль университетының татар теле белгечлеге буенча магистратурага укырга керә һәм аны 2019 елда уңышлы тәмамлый.  

Гөлүзә Җәләева яшь белгеч буларак, төрле һөнәри осталык конкурсларында актив катнаша. 2022 елда “Ел укытучысы” конкурсының район этабында 2 нче, 2023 елда шул ук конкурста катнашып, район этабында 1 нче, шәһәр этабында – 3 нче урынны яулый, ә конкурсның республика этабында “Өметле киләчәк” номинациясендә җиңүче була.

Нашли опечатку? Выделите фрагмент и отправьте нажатием Ctrl+Enter