Яналыклар (11.07.23)

Иртәнге чыгарылыш.

• Татарстан Рәисе Рөстәм Миңнеханов Екатеринбургта үткәрелгән «Иннопром-2023» халыкара сәнәгать күргәзмәсендә катнашты.
• «Иннопром-2023» кысаларында Татарстан Республикасы стендында «Алабуга» МИЗда двигательләр җитештерү буенча «Соллерс» компаниясе заводын эшләтеп җибәрү тантанасы булды.
• ТР Дәүләт Советы Рәисе Фәрит Мөхәммәтшин Төркия Республикасының Казандагы Генераль консулы Исмәт Эрикан белән очрашты.

Көндезге чыгарылыш.

• Татарстан Рәисе Рөстәм Миңнеханов һәм “Сбербанк” акционерлык җәмгыяте идарәсе рәисе Герман Греф Казандагы Бәшир Рәмиев исемендәге ИТ-паркта булдылар.
• Башкалабызның «Баскет-холл» бинасында 14нче Бөтенроссия Җәйге Сбербанкиадасы ачылды.
• Мәгариф оешмаларын, шулай ук аларның берләшмәләрен төбәк инновация мәйданнары итеп тану тәртибе билгеләнде. Бу турыда республика премьер-министры Алексей Песошин карарны имзалады.

Кичке чыгарылышлар.

• Татарстанның Цифрлы үсешкә ярдәм итү ассоциациясе рәисе, Юл хәрәкәте иминлеге дәүләт оешмасы җитәкчесе Рифкать Миңнехановны республика Фәннәр академиясе президенты итеп сайладылар.
• Казан метросының икенче линиясендәге беренче участокны төзүгә өстәмә 943 миллион сумнана артык акча бирелә. Әлеге участок Юлиус Фучик һәм Академик Сахаров урамнары арасындагы станцияләрне тоташтыра.
• Казанда «Яшәү яме» проекты гамәлдә. Быел пенсионерлар өчен 630 чара уздырылган, аларда 70 меңнән артык кеше катнашкан.

• Татарстан Дәүләт Киңәшчесе Минтимер Шәймиев Казан Кремлендә Төркиянең Казандагы Генераль консулы Исмет Эрикан белән очрашты.
• Татарстанда айлык керемнәре яшәү минимумыннан артмаган, аз керемле гаиләләргә бердәм пособие билгеләнә. Бу хакта Россия Социаль фондының Татарстан буенча бүлеге идарәчесе Эдуард Вафин Төбәк белән идарә итү үзәге аккаунтында узган туры эфирда әйтте.
• Республикакүләм 25 нче «Питрау» бәйрәме елдагыча 15 июльдә Мамадыш районының Җөри авылында узачак.

Нашли опечатку? Выделите фрагмент и отправьте нажатием Ctrl+Enter