Җиде көн (17.06.23)

Атналык күзәтү.

Бу атнаның төп вакыйгасы илебезнең төньяк башкаласында узган Петербург халыкара икътисадый форумы булды, анда планетаның 131 иленнән 15 меңнән артык кеше катнашты. Дәрәҗәле чараларга Россиянең 85 төбәге җитәкчеләре һәм вәкилләре чакырулы иде. Форум ачылган көннән үк аның чараларында Татарстан Рәисе Рөстәм Миңнеханов та катнашты.
Атна башында илебездә зурлап Россия көнен билгеләп үттек. Республикабызда күпсанлы мәдәни, спорт чаралары узды. Бәйрәм көнендә котлаулар да күп булды.
Иртәгә медицина хезмәткәрләре һөнәри бәйрәмнәрен билгеләп үтәчәк. Сәламәтлегебез бераз какшаса, хәвеф-хәтәр булса без шушы ак халатлы һөнәр ияләренә мөрәҗәгать итәбез. Тән сихәтлеген һәм җан тынычлыгын кире кайтарырга ярдәм итә бит алар безгә. Шуңа күрә бәйрәмнәре уңаеннан медицина хезмәткәрләрен хөрмәтләү чаралары да зурлап үткәрелә.

Нашли опечатку? Выделите фрагмент и отправьте нажатием Ctrl+Enter