Исәнме, Сабантуй! (10.06.23)

Әдәби-музыкаль программа.

Кадерле дусларыбыз, тагын бер якты көнебезне башлап җибәрәбез. Гади генә көн түгел – Сабантуйлы көн! Тагын бик аздан авылларда, район үзәкләрендә милли бәйрәмебез башланып китәр. Киң, яшел болыннарга җыр-моң агылыр, мәйданга көрәшчеләр чыгар.

Бүген безнең программабыз көн дәвамында милли бәйрәмебезгә багышланган тапшырулар эятафетасын хәтерләтә. Менә, шундый тапшыруларның береенчесе эфирга чыга. Хәзер без сезне «Исәнме, Сабан туе!» дигән әдәби-музыкаль композиция тыңларга чакырабыз. Радиобыз фондында сакланучы әлеге программаның сценариен үз вакытында радиобызга язучы Камил Кәримов тәкъдим иткән. Мөхәррир Рафис Корбан, Реҗиссер Әминә Шаһиәхмәтова һәм тавыш операторы Айсылу Гыйлаҗетдинова радиотамаша итеп әзерләгәннәр. Ә инде текстны данлыклы артистыбыз Ирек Баһманов һәм Камил Бикмөхәммәтов укыган.

Нашли опечатку? Выделите фрагмент и отправьте нажатием Ctrl+Enter