Яңалыклар (07.06.23)

Иртәнге чыгарылыш.

• Татарстан белән чиктәш Ульяновск өлкәсендә африка дуңгыз чумасы теркәлгән. Күрше төбәктә йогышлы авыру таралу сәбәпле, Чүпрәле һәм Буа районнарында аеруча куркыныч авыруларга юл куймау, ашыгыч саклану чараларын күрү өчен чираттан тыш киңәшмәләр узачак.
• «Киләчәкне формалаштыру » халыкара мәгариф министрлары форумы 7-9 июньдә Казанда «Башир Рәмиев исемендәге ИТ-парк» югары технологияләр өлкәсендәге технопарк мәйданчыгында узачак.
• Башкалабыз Казанга Россиянең 50 төбәгеннән эзтабарлар «Солдат медальоннарыннан исемнәр» дип аталган Бөтенроссия конференциясенә киләчәк.

Көндезге чыгарылыш.

• Бүген Казанда Рәмиев исемендәге ИТ-парк югары технологияләр өлкәсендәге Технопарк мәйданчыгында беренче тапкыр мәгариф министрларының Халыкара форумы ачылды.
• Бу көннәрдә «Суд приставлары – балаларга» Бөтенроссия мәгълүмат акциясе бара, ул бурычлылардан алиментлар түләтү багышланды.
• Казанда җәмәгать транспорты тукталышларында 114 мәгълүмат таблосы төзекләндерелгән.

Кичке чыгарылышлар.

• 2025 елда елга транспортында пассажирлар йөртүне 500 мең кешегә кадәр арттыру күздә тотыла.
• Татарстанда узган елда гына да IT-проектларга 129 студент берәр миллион сум грант алган.
• Мәскәү Хөкүмәтендә башкалада «Сабантуй» гомумшәһәр бәйрәмен оештыру комитетының киңәйтелгән утырышы булды. Быел башкалада милли бәйрәм 1 июльдә узачак.

• 2023 елның 20-23 сентябрендә Казанда узачак Kazan Digital Week форумына әзерлек бара.
• Казанда Россия көнен 9 нчы июньдә яшь гражданнарга паспортлар тапшыру белән бәйрәм итә башлыйлар.
• Татарстан социаль контракт программасында актив катнашкан Россия төбәкләре рәтенә керде.

Нашли опечатку? Выделите фрагмент и отправьте нажатием Ctrl+Enter