Җиде көн (03.06.23)

Атналык күзәтү.

Татарстан Республикасы Рәисе Рөстәм Миңнеханов Мәскәүгә эш сәфәре кысаларында кече һәм урта эшкуарлыкны үстерү мәсьәләләре буенча Хөкүмәт комиссиясе утырышында катнашты.

Бу атнада иң матур бәйрәмнәребезнең берсе – Балаларны яклау көнен билгеләп үттек. Республикабызда 1 июньгә багышлап күпсанлы чаралар үткәрелде. Алар Татарстан җитәкчелегенең эш графигында да төп урынны алып торды.

Татарстанда милли бәйрәмнәр дәвам итә. Бүген Әгерҗе районы Пеләмеш авылында Мари халкының Семык бәйрәме уза. Узган атнада XIII Бөтенроссия авыл Сабантуен Әстерхан өлкәсе кабул итте. Исегезгә төшерәбез, Сабантуй татар халык бәйрәме Татарстанның авыл торак пунктларында, район үзәкләрендә (шул исәптән республика әһәмиятендәге шәһәрләрдә) — 10-11 июньдә; Чаллыда — 17 июньдә; Казанда — 24 июньдә үткәрелә. Бүген исә Буа” якташлык җәмгыяте Исәк авылында “Уйнагыз, гармуннар” 4 нче төбәкара фестивален Сабан туй итеп үткәрәчәк.

Нашли опечатку? Выделите фрагмент и отправьте нажатием Ctrl+Enter