Фидакарьләр (16.05.23)
“Фидакарьләр” проекты. 15 нче тапшыру.
Гомерләрен татар теле һәм әдәбиятын, башка фәннәрне татар телендә укытуга багышлаган, укучылары күңелендә туган телгә мәхәббәт тәрбияләүче мөхтәрәм укытучылар һәм бакча тәрбиячеләре турында сөйләвебезне дәвам иттерәбез. Студиябезнең бүгенге кунагы турында халыкта “башлы кеше” диләр. Равил Нияз улы Алишев. Үз исемен Ш.Мәрҗани исемендәге 2 нче татар гимназиясе тарафыннан оештырылган татарча онлайн мәктәптә татар телендә гади итеп математика дәресләрен видеога яздырып, мәңгеләштергән фидакарь мөгаллимнәребезнең берсе.
Тумышы белән Зәй районының Кадер авылыннан булган Равил Нияз улы Алишев заманында гади авыл мәктәбендә татарча укып, математика буенча Бөтенроссия олимпиадасында җиңүче була. Соңрак, Казан Дәүләт университетының механика-математика факультетын тәмамлап, математиканы тирәнтен өйрәтүче Түбән Кама, Казан мәктәпләрендә эшли, Иннополис университетында белем бирә. Равил Алишев укытучыларның Россия Федерациясе президенты премиясенә Бөтенроссия конкурсы җиңүчесе. Моннан тыш укытучыларның һөнәри осталык буенча күп кенә дәрәҗәле, илкүләм конкурслар җиңүчесе. Бүген ул Казан халыкара мәктәбендә инглиз телендә математика дәресләрен алып бара.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
&mh_tags=&mh_page=https://old.trt-tv.ru/?p=517477){kind=small}
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
