Фидакарьләр (25.04.23)
“Фидакарьләр” проекты. 11 нче тапшыру.
Гомерләрен татар теле һәм әдәбиятын, башка фәннәрне татар телендә укытуга багышлаган, укучылары күңелендә туган телгә мәхәббәт тәрбияләүче мөхтәрәм укытучылар һәм бакча тәрбиячеләре турында сөйләвебезне дәвам иттерәбез.
Студиябезнең чираттагы кунагы — Габделхакова Гөлчәчәк Рәшит кызы. 1975 елның 28 нче декабрендә Балтач районы Чутай авылында дөньяга килә. Мәктәпне тәмамлагач, Казан Дәүләт университетының Татар филологиясе, тарихы һәм көнчыгыш телләре телләре факультетына укырга керә. Хезмәт юлын 1998 елда Казан шәһәре Мәскәү районыны 102 нче гимназиясендә татар теле һәм әдәбияты укытучысы булып эшли башлый. 1999 елдан 2011 елга кадәр Балтач районы Чутай төп гомуми белем бирү мәктәбендә татар теле һәм әдәбияты укытучысы булып эшли. 2002 елдан 2011 елга кадәр – Чутай мәктәбе директорының укыту эшләре буенча урынбасары.
Габделхакова Гөлчәчәк Рәшит кызы 2011 елдан Казан шәһәре Совет районы 90 нчы гимназиясендә татар теле һәм әдәбияты укытучысы булып эшли. Югары категорияле укытучы, укучылары шәһәр, республика, халыкара олимпиадалар, Бөтенроссия һәм халыкара конкурслар, фәнни-гамәли конференция җиңүчеләре.
Габделхакова Гөлчәчәк Рәшит кызы 2012 һәм 2013 елларда “Иң яхшы укытучы” республика конкурсы җиңүчесе.
2016, 2017 һәм 2018 елларда “Укытучы-эксперт” гранты иясе.
2014 һәм 2020 елда Россия Федерациясе “Мәгариф” өстенлекле милли проекты гранты җиңүчесе.
2019 елда Ризаэддин Фәхретдин премиясе лауреаты.
2020 елда Мәгарифтә ирешкән уңышлары өчен Габделхакова Гөлчәчәк Рәшит кызына 2020 елда Татарстан Республикасының атказанган укытучысы дигән мактаулы исем бирелә.
Нашли опечатку? Выделите фрагмент и отправьте нажатием Ctrl+Enter
Поделиться новостью:
Блог
&mh_tags=&mh_page=https://old.trt-tv.ru/?p=513522){kind=small}
ГТРК "Татарстан", 420095, г.Казань, ул.Шамиля Усманова, 9
Телефон редакции:
8 (843) 528-25-59
Электронная почта редакции ГТРК:
vesti@trttv.ru16+
