Әдәбиятыбыз сәхифәләре (24.04.23)

“Тукай сүзе”. Радиокомпозиция.

Кадерле дуслар, хәзер без сезнең игътибарга үтә дә бер кадерле тапшыру тәкъдим итәбез. Ул “Тукай сүзе” дигән радиокомпозиция. Беренчедән, әлеге тапшыруда сөекле шагыйребез Габдулла Тукай әсәрләре булуы белән кадерле булса, икенчедән, алар Татарстанның халык артисты, А.Алиш исемендәге әдәби премия лауреаты, балалар өчен язылган бихисап әкиятләр авторы, нәфис сүз остасы, шигъри җанлы актер һәм радиобызның якын дусты Хәлим Җәләлов язмасында тәкъдим ителә.

Хәлим Җәләлов – Камал театрының туган тел сагында торучы зур бер шәхесе иде. Аның белән театр каршында узган хушлашу мәрәсимендә яңгыраган төп фикерләрнең берсе иде бу. Аның икенчесен Хәлим Җәләловның якын дусты, Татарстанның халык, Россиянең атказанган артисты, Республикабызның Г.Тукай исемендәге Дәүләт премиясе лауреаты Илдус Әхмәтҗанов әйтте. Ул Хәлим Җәләловны Тукайның чын варисы дип атады. Чыннан да, Х.Җәләлов бөек шагыйребезнең мирасын төптән белүче иде. Аны популярлаштыру буенча зур эшләр башкарды. Шулар арасыннан берсе – бакыйлыкка күчәренә берничә ай кала, апрель аенда, ул махсус Татарстан радиосына килеп, Г.Тукайның шактый билгеле һәм вакытлар узу белән бераз онытыла төшкән шигырьләрен укыган иде. Ул бу эшкә бик теләп, ялкынланып алынды. Халкыбызны Тукаебыз мирасына тагын бер адым якынайтуга сәбәпче булганына бик сөенде. Тапшыру эфирга чыкканнан соң да ул шактый вакыт илһамланып йөрде, зур рәхмәтләрен җиткерде.

Нашли опечатку? Выделите фрагмент и отправьте нажатием Ctrl+Enter