Яңалыклар (30.03.23)

Иртәнге чыгарылыш.

• Казанда бер көнлек эш сәфәре белән РФ Иминлек советы рәисе урынбасары Дмитрий Медведев булды.
• Дәүләт Советында «Бердәм Россия» партиясенең Татарстандагы депутат берләшмәләренең Республика Координация советының гомуми җыелышы узды.
• 1 апрельдән Казанда, Чаллыда һәм Яшел Үзәндә балалар бакчаларын комплектлау башлана.

Көндезге чыгарылыш.

• Россия Федерациясе Хәрби-сәнәгать комиссиясе рәисенең беренче урынбасары, Россия Федерациясе Иминлек Советы Рәисе урынбасары Дмитрий Медведев республикабызның оборона-сәнәгать комплексы предприятиеләрендә булды.
• Татарстан Рәисе Рөстәм Миңнеханов үз телеграмм каналында бүген республикада яшәүчеләрне яңача сәламләде. Хәерле иртә теләп язылган традицион хәбәрен, ул эш кабинеты тәрәзәсеннән гадәттәгечә төшерелгән фотосүрәт белән түгел, ә кар барсы төшерелгән видео белән урнаштырган.
• Киләчәктә Татарстан башкаласы кайсы юнәлешләрдә киңәячәк? Казан мэры Илсур Метшин билгеләп үткәнчә, дары заводы территориясе, Горький шоссесы, шулай ук зур Яшел Үзән дип йөртелә торган алты миллион квадрат метрга якын төзелеш барган урыннар үсеш ала.

Кичке чыгарылышлар.

• Татарстан Дәүләт Советы Рәисе Фәрит Мөхәммәтшин фән, мәдәният, мәгариф, сәламәтлек саклау, дәүләт һәм муниципаль идарә, нефть тармагы, төзелеш, авыл хуҗалыгы хезмәткәрләренә Россия Федерациясе һәм Татарстанның дәүләт бүләкләрен тапшырды.
• Быел Татарстан нефть-газ химиясе форумы 31 августтан 2 сентябрьгә кадәр узачак. Ул Татарстанда нефть чыгаруның 80 еллыгына багышлана. Бу хакта хөкүмәт карар кабул итте.
• Татарстанда «Тоталь диктант»та катнашу өчен теркәлү башланды. Ул 8 нче апрельдә 1 меңнән артык мәйданчыкта узачак.

• Татарстан Республикасы Дәүләт Советы Рәисе Фәрит Мөхәммәтшин дәүләт бүләкләрен тапшырды.
• Яшел Үзән районының Васильево бистәсендә яшәүче Александра Муравьевага 100 яшь тулды.
• Балаларны беренче сыйныфка кабул итү кампаниясе башланды.

Нашли опечатку? Выделите фрагмент и отправьте нажатием Ctrl+Enter