Күркәм эшләр эзеннән (28.03.23)

Республикабызда 1 апрельдән 31 майга кадәр экологик икеайлык уза. Дөрестән дә, яз килү белән кыш дәвамында җыелып, кар астында яшеренеп яткан чүп-чарлар аеруча күп күренә башлый. Экологик чаралар якын-тирәбезне чистарту, ямьләндерү максатыннан оештырыла. Арабызда үзләре яшәгән ишегалдын гына түгел, урман, сулыклар кырыйларын, пычранган урыннарны җыештыручылар да бар. Чишмәләрне торгызган, агачлар утыртып табигатебезгә зур файда ясаучылар да җитәрлек. «Күркәм эшләр эзеннән» сәхифәсенең чираттагы чыгарылышы әнә шундый фидакарь кешеләр турында.
Бүгенге сәхифәбезнең геройлары — Кама Тамагы районы Антоновка авылында яшәүче Шәйхәйдәровлар. Гаилә узган елда «Экояз» конкурсында Экогаилә номинациясендә җиңүче булган. Аларның исәбендә — 100 гектар мәйданда утыртылган 50 мең агач. Шәйхәйдәровларның табигатьне саклау һәм ямьләндерү эшләре «Безнең заман каһарманнары» конкурсында да югары бәяләнгән.

Шул ук вакытта экология тәрбия гаиләдә генә түгел, балалар бакчасы һәм мәктәптә ныгытылса яхшы. Уңай тәҗрибәләр җитәрлек. Республикабызның Сарман районы Ләшәү-Тамак мәктәбе — экология юнәлешендә үткәрелгән күпсанлы илкүләм һәм республикакүләм, һәм хәтта халыкара конкурсларда актив катнаша, җиңүләр яулый. Күркәм эшләр турында без Сарман районы Ләшәү-Тамак мәктәбе директоры Ринат Дәүләтов белән сөйләштек.

Нашли опечатку? Выделите фрагмент и отправьте нажатием Ctrl+Enter