Яңалыклар (28.03.23)

Иртәнге чыгарылыш.

• Казанда 60 юл участогында чокырларга ремонт ясалган.
• Чаллы шәһәре хакимияте җәйгә 20дән артык зур автобуслар сатып алырга җыена.
• Башкортстанның татар милли-мәдәни автономиясе дистә елдан артык оештыра торган «Тукай моңнары» сәнгатьле укучылар бәйгесе 2023 елда Россия күләмендә уза.

Көндезге чыгарылыш.

• Бүген  Казанның «Сәйдәш» мәдәният үзәгендә Татарстан  Рәисе каршындагы Татар телен һәм Татарстанда яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татарстан – Яңа Гасыр» телерадиокомпаниясе оештырган иң зур бәйгеләренең берсе – «Татар сүзе» өченче Халыкара нәфис сүз телевизион бәйгесенең Гала-концерты була.
• Әлмәт татар дәүләт драма театрында «Тантана» премиясе лауреатларын бүләкләү тантанасы узды.
• “Татарстанның мәдәни башкаласы” конкурсында җиңгән район быел 3 млн сумлык сертификат ала. Бу акча киләчәктә мәдәни проектларны  үстерүгә юнәлдерелә.

Кичке чыгарылышлар.

• Казан Россиянең мәдәни һәм китапханә башкаласы исемен алу өчен конкурста катнашачак. Бу хакта республика вице-премьеры Ләйлә Фазлыева хәбәр итте.
• «Татар егете-2023» республика конкурсына йомгак ясалды. Сайлап алу этабында Татарстаннан йөзләп егет катнашты. Бәйгедә Кукмара районы егете Рәмис Габидуллин җиңде.
• Быел республикада традицияләр һәм гореф-гадәтләр елы. Әлки районының Әхмәт авылында электән килгән «Ташу озату» бәйрәмен үткәргәннәр.

• Россиядә балалар һәм яшьләр «Беренчеләр хәрәкәте»нең «Аҗаган 2.0» дип аталган яңа проекты пилотсыз очкычлар белән идарә итәргә һәм фейклар белән көрәшергә өйрәтәчәк. Бу турыда Россия Президенты хакимияте җитәкчесенең беренче урынбасары Сергей Кириенко координация советы утырышында хәбәр итте.
• Бу минутларда Казанның «Сәйдәш» мәдәният үзәгендә Татарстан Рәисе каршындагы Татар телен һәм Татарстанда яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татарстан – Яңа Гасыр» телерадиокомпаниясе оештырган «Татар сүзе» өченче Халыкара нәфис сүз телевизион бәйгесенең Гала-концерты бара.
• Әлмәт шәһәре балалар китапханәсендә халык язучысы, Габдулла Тукай исемендәге дәүләт бүләге иясе, Клара Булатова белән очрашу булды.

Нашли опечатку? Выделите фрагмент и отправьте нажатием Ctrl+Enter